Wednesday, 12 September 2018

Mipui ten damdawi leh eitur thianghlim an hmuh theihna tura hmalak dan tur sawihona neih a ni

Mizoram sawrkar Health Department hnuaia Food & Drug Administration buatsaihin nimin khan mipui ten eitur leh damdawi thianghlim chauh an hmuh theihna tura hmalak dan tur sawihona leh inrawnkhawmna chu Serchhip-ah neih a ni.
Serchhip Hmar Veng YMA Hall-a Serchhip khawpui chhunga tlawmngai pawl leh khawtlang hruaitu VC te tana Awareness Campaign-cum-Consultative Meeting neih hi Serchhip Chief Medical Officer, Dr. Laldawngliana Sailo chuan kaihruaiin khuallian nia he hun hmanpuitu Lalsawma Pachuau, Joint Director, Food & Drug, Directorate of Health Services chuan damdawi atana mi tam tak ten an hman \angkai te chu lo hmangsual duh an awm tak zel avangin hetiang damdawi hmansual dona kawngah hian thawhhona \ha zawk a awm theihna tur atana hmalakna turin sawrkar in NEDP hnuaia sum a pek hmanga he hun hi buatsaih a nih thu a sawi a. Chaw atana kan hman leh damdawi atana kan hman te chu mitin tana pawimawh a nih thu sawiin, mipui ten eitur thianghlim tak an ei \heuh chu sawrkar a\anga tihfel vek theih a nih loh avanga mitinte kan \anrual a \ul thu pawh a sawi a, hetiang kan ei leh in a thianghlim tawkloh avang hian natna chi hrang hrang kan vei phah thu leh nunna hial chan theih a nih avangin inzirtirna uar lehzuala kalpui a pawimawh thu a sawi a. Bazar a\anga mipui ten Arsa leh Sangha thianghlim, Tho bawm loh an lei theihna turin tunah hian a bawm tur an duan mek thu leh tunah hian semchhuah theiha peihfel \ep a nih tawh thu a sawi bawk.
He hunah hian Khual Zahawm Serchhip District Information & Public Relations Officer, K. Saitluanga MIS chuan mihring ten eitur thianghlim an ei theihna tur leh him taka damdawi an ei theihna tura inzirtir chu thil \ul tak a nih thu sawiin, kan naupan lai a\anga eitur leh tui in tur thianghlim lo kan in \hin avangin kan dam phak chin kan damlo \hin nia a hriat thu a sawi a. Eitur thianghlimlo leh hrisello te chu khap kher ngai lova mipui ten kan \halo tih hriaa kan lei loh ngam \hin a pawimawh thu pawh sawiin, chutiang atana inzirtirna hun NEDP kaltlanga buatsaih a ni chu lawmawm a tih thu a sawi bawk.
He hunah hian Sarah Laldintluangi, Assistant Director, FDA Serchhip chuan damdawi leh eitur thianghlim mipui ten an hmuh theihna tura an hmalakna hrang hrangte a tarlang a, F. Lalliantluanga, Deputy Director, Food & Drug Administration chuan damdawi chi hrang hrang hmansual chungchanga Mizoram dinhmun leh mipui ten eitur thianghlim an ei theihna tur atana thil pawimawh hrang hrang hriat turte a lem nen entirin a sawifiah a, hemi hnu hian kalkhawmte a\angin sawihona hun hman zui a ni bawk. Nimin a he hun hmanna ah hian Serchhip khawpui chhunga VC te bakah YMA Branch hrang hrang leh MHIP Sub-Hqrs. aiawh bakah Sub-Hqrs. YMA Anti-Drug Squad Member leh thuthar thehdarhtute an tel a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...