Mizoram hmundangte rualin Serchhip-ah Mizoram State Anti-Tobacco Day hman a ni

Nimin khan Project HIMNA-SADAT (Serchhip Against Drugs Alcohol & Tobacco) leh NationalTobacco Control Programme Serchhip buatsaih in Mizoram State Anti-Tobacco Day vawi 5-na chu Mizoram hmun dang rualin Serchhip-ah pawh hman a ni.

Mizoram State Anti-Tobacco Day vawi 5-na puala hun hman hi hi hun hnih ah \hen niin hun hman hi chawhma dar 10:00-ah AOC-ah Dr. Lalhlunpuii, Nodal Officer, NTCP kaihhruaina in hman a ni a, he hunah hian PC.Vanlalluna Dy. DPC RMSA, Serchhip District chu khuallian a ni a. Khuallian chuan Serchhip-a State Anti-Tobacco Day Zirlai naupangte nena hman a ni chu lawmawm a tih thu sawiin, Serchhip-a Education lama hotu lian ber ber te chu zuk leh hmuam, vaihlo laka fihlim an nih thu leh chu chu naupang te tana entawn tlak an nih thu a sawi a, Mizoram a cheng te chu a tam ber Kristian kan nih thu leh kan rin Pathian pawh in kan taksa ti thianghlim turin min duh thu Bible-ah pawh a lan thu sawiin, chutihlaia India rama Zuk leh hmuam ti nasa pawla kan la lang \hin chu in enlet kan ngai hle a ni, a ti a. He ni thupui, 'Inchhng leh Lirthei chhunga Meizuk loh' tih chu mutmawh hnarmawh a nei a, zawm tum \heuh turin a chah bawk.
He hunah hian Swatch Bharat-a Ambassador, Lalhmangaiha Chawngthu pawhin kan In chhung leh Motor-ah te Tur lalutin kan Inleng te Tur nen kan lo lawm \hin tih sawiin, Inchhung khur enkawltu nu leh pa te chuan In chhung leh kan fate bula mei kan zuk hian kan chhungkua leh Inleng te Turin kan hrai a ni, a ti a. Vaihlo chu zawimuang a min tihlum tu Tur hlauhawm tak a nih thu leh tihchhin loh a pawimawh thu a sawi bawk.
Hemi hnu hian he hun a kal Zirlai naupang te chuan Serchhip AOC Veng a\anga Serchhip Auditorium thleng Rally neiin khawlaia bawlhhlawh leh Meizial bung te chhar in Mei zuk \hatloh zia inzirtirna thuziak an sem bakah thuziak hrang hrang an keng lang bawk.
Hemi hnu hian Serchhip Auditorium-ah inkhawm neih zui leh niin Dr. Lalhlunpuii, District Nodal Officer, NTCP chuan kaihruaiin Vanthangpuii, DUDO Serchhip chu khuallian a ni a. Khuallian chuan mi zawng zawng hi Pathian siam kan nih thu leh boruak thianghlim hip chu kan chanvo a ni tih sawiin, chhungkua ah puitling zawk ten naupang zawk te humhim hi kan mawh-phurhna a nih angin, Inchhung a Meizuk hi sim a \ul thu a sawi bawk.
He hunah hian F. Tlangliana, Traffic Police in Lirthei chhunga mei zuk chungchang sawiin, Dr. Zodinmawii Medical Officer, OST in 'Basic of Drugs' tih thupui hmangin Presentation neiin zirtirna a pe a, K. Hmingthansangi, Consultant, NTCP chuan Global Adult Tobacco Survey a Mizoram dinhmun Powerpoint Presentation hmang in a entir bawk.
He hunah hian Middle School, High School leh Higher Secondary School tana Essay leh Lemziah intihsiakna result puangin lawmman semna neih nghal a ni a, Middle School te tana Lemziak intihsiakna ah Ruth Vanlalremsiami, All Saints School chu pakhatna niin K. Vanlal-ruatmawia, GEA chu pahnihna a ni a, Lalrinhluii, All Saints School chu pathumna a ni. High School leh Higher Secondary School-ah Vanlalchama, Govt. Chhiahtlang H/S chu pakhatna niin Lal-remtluangi, EMRS chu pahnihna leh pathumna R. Vanlalawmpuia, GHSS Serchhip te an ni.
Essay inziahsiak-ah Middle School-ah Lal\hakimi, EMRS chu pakhatna niin Lal-engmawii, EMRS chu pahnihna leh Rosangkimi, Chawngbuangi Memorial School pathumna niin, High School leh Higher Secondary School Section-ah Samuel Lalhruaitluanga, GHSS chu pakhatna a ni a, Cynthia Zomuanpuii chu pahnihna leh Lalawmpuii, PCR High School chu pathumna a ni bawk.

Popular posts from this blog

PAN CARD an tih teh fo hi - Laldinpuia