Latest News

Seat 40 awmna Mizoram Assembly-ah ZPM in seat 27 lain sawrkar thar an siam dawn

Image
Kum 2023 Mizoram State Assembly Inthlanpui-a Vote tla te chu nimin khan chhiar a ni ta a, Seat 40 awmna ah Zoram Peoples Movement (ZPM) chuan Seat 27 lain Party mal-a sawrkar siam thei turin hnehna an chang a, Rorellai MNF Party chuan Seat 10 lain Chief Minister leh Minister nilai engemaw zat an tling zo lo a ni.

Lok Sabha MP hovin MSU ten Minister hmu

Mizo Students' Union (MSU) hruaitute leh Mizoram-a Lok Sabha MP, CL. Ruala te chuan nizan hmasa khan Human Resource Development (MHRD) Minister, Prakash Javadekar chu Shastri Bhawan, Delhi-a a Office-ah hmuin tunlaia Mizorama zirna kaihhnawih hrang hrangte an sawipui.
MSU hruaitute leh Lok Sabha MP te hian Ministry of Human Resource Development (MHRD) Minister Prakash Javadekar-a hnenah hian Mizoram University (MZU) in Vice Chancellor nghet hun rei tak an neih tawh loh chungchangte, MZU Southern Campus Lunglei-a a awm vat theihna tur leh CSS hnuaia Hindi Teacher chungchangte sawipui a, Prakash Javadekar chuan MZU Vice Chancellor chungchang chu ni reilote ah chinfel a nih tur thu leh file pawh President approve tura thawn a nih tawh thu leh President in a approve hun hunah Vice Chancellor hi neih thuai beisei a nih thu a sawi a. MZU Southern Campus chungchang pawh lo enzui a tum thu a sawi a ni.
CSS hnuaia Hindi Teacher engemaw zat ban an nih chungchangah pawh a rang thei ang bera chinfel a, Mizo \halai ten Hindi zir an chak tih a hriatin a lawm thu leh Hindi Teacher rawn pek leh ngei a tum thu a sawi a, Hindi Teacher rawih nan Central in sum a sen thlawn loh nan Mizo \halai ten \hahnemngai taka Hindi an zir theih nan leh a \ul anga Hindi zirna kawnga ke an pen theih nan MSU te pawh \an lo la turin a chah bawk a ni.

Comments

Popular News (Last 30 Days)