‘Kawng chhe lutuk avanga harsatna tawk mipuite thlavang hauhna Total Bandh’ chu Mizoram-ah neih a ni

Mizoram-a kawngpui chhia avanga mipuite thlavang hauhna atan nimin khan Mizoram pumah MNF party chuan Total Bandh an huaihawt a, Serchhip-ah pawh he Total Bandh hi khauh taka kenkawh niin chawhnu dar 3:00 khan Total Bandh hi tihtawp a ni.

MNF Party hian ruahmanna an lo siam tawh angin nimin zing dar 5:00 a\ang khan Mizoram hmun hrang hrangah kawngpui chhia avanga mipuite thlavang hauhna atan Total Bandh hi an nei \an a, Serchhip khawpui chhungah pawh Total Bandh hi zing dar 5:00 a\anga kenkawh niin Serchhip Town chhung hmun hrang hrang 12-ah Duty point insiamin MNF Party mi leh sa \hahnem tak an duty a, sorkar lam a\angin dan leh thupek kengkawhtu Police te pawh hmun hrang hrangah duty in sumdawnna hmun, sorkar Pisa leh zirna In te khar vek a ni a, khawlai-ah lirthei vakvel leh mihring veivak hmuh tur pawh an awm meuhlo a, khawi a\ang mahni boruak duhawmlo a thlen thu dawn a ni lo bawk. Total Bandh a duty Police leh MNF Party hruaitute chuan Serchhip khawpui chhunga luh tum lirthei dan an neilo tih an sawi a, MNF hruaitute chuan mipui ten \ha taka Bandh an thlawp chu lawmawm an tih thu an sawi a, an thilphut te pawhin sorkar in hma la zuiin an tih hlawhtlin ngei an beisei thu an sawi a ni.

MNF Party ten nimin a Total Bandh an huaihawt hi mipui ten an thlawpin chawhnu dar 3:00 khan call-off a ni a, Serchip East Block MNF te chuan Serchhip Bazar-ah inkhawm tawi neiin he hunah hian MNF Gen. Hqrs. a\anga lo kal C. Lalhmachhuana, Secretary chuan thu sawiin Bandh Call-Off a nih thu hi a puang a ni.

MNF Sr. Vice President leh Action Committee-a Chairman ni bawk, Tawnluia chuan nimin chawhnu khan Aizawl-a Mizo Hnam Run-ah thuthar thehdarhtute kawmin MNF in ‘Kawng chhe lutuk avanga harsatna tawk mipuite thlavang hauhna Total Bandh’ Zoram pum huapa a huaihawt thlawpa \awiawmtu mipui zawng zawngte chungah lawmthu sawiin, Bandh avanga harsatna tawk an awmin an rin thu leh hriatthiam an dil thu a sawi a, ‘Kawng chhe lutuk avanga harsatna tawk mipuite thlavang hauhna Total Bandh’ Zoram pum huapa neih chu mipuite thlawpna an hmuh \hat em avang leh harsatna leh buaina awm lova an neih avangin mipuite chunga lawmthu sawi nan chawhnu Dar 3:00 khan an titawp tih a sawi bawk.