VC te Computer sem an ni

Hrangturzo bialtu MLA, Vanlalawmpuii Chawngthu chuan nimin khan a bial chhung khaw 7-a VC te hnenah Computer Set khat \heuh leh Printer a sem.

Hrangturzo bial khaw 7-a Village Council te hnena Computer semna hun BRC Hall Khawlailung-a neih ah hian Vanlalawmpuii Chawngthu chuan sorkar hmalakna avanga a bial chhunga VC ten Computer leh Printer a dawng chu lawmawm a tih thu sawiin, sorkar chungah lawmthu a sawi a, MLA chuan mamawhna dik takah Computer chu hman tur a nih thu sawiin, "Bial chhung khuate mamawh leh chhawr \angkai tur a ni a. Mimal ta bik nilovin khawtlang mipuiten kan mamawh a inhman\awm tur a ni. |angkai tak leh dimdawi taka hman tur a ni a. Hetiang zah kan bial chhunga sem theih anih hi a bialtu nihna angin lawmthu ka sawi bawk a ni," a ti.

Computer Set hi RGSA scheme hnuaia State Institute of Rural Development & Pancha-yati Raj hnen a\anga sem chhuah a ni a, Hrangturzo bial chhunga khaw sarih (7) Kei\um, Bungtlang, East Lungdar, Lungkawlh, Lungchhuan, Mual-cheng leh Khawlailung VC te hnenah hian Desktop Computer Set (CPU, Monitor, Printer, Mouse, Keyboard leh UPS) te pek an ni.