September thla laihawl a\angin Serchhip khawpui chhungah Parking Fee khawn tum a ni
State Transport Authority in ruahmanna a siam angin Serchhip khaw chhung hmun thlan bik 5 (panga) ah kumin September thla laihawl a\angin Parking Fee khawn tum a ni a. Heng Parking Area atana puanna hmuna Collector hna dil duhte tan dilna hun hawn nghal a ni ang.
Serchhip khawpui chhunga Parking Fee khawn chungchang ngaihtuah hian nimin khan Serchhip District Traffic Management Committee chu an Chairman, Serchhip District Bawrhsap, Sangchhin Chinzah hovin a Office Chamber-ah an \hukhawm a, he \hutkhawm ah hian Bawrhsap chuan kan khawchhung a lo thawl a, mipuite tana chenna nuam zawk leh him zawk a nih theih nan a chhunga lirthei che vel te mumal taka khuahkhirh a \ul thu a sawi a, kan hmun lun laite mumal zawka enkawl a nih theih nan Parking Fee hi khawn a nih tur thu sawiin, Lirthei neitute chu lirthei an lei dawna a dahna tur Garrage nei vek anga insawia intiamkam an nih angin kawng kama lirthei zanriah \hin te pawhin dan an zawm a \ul tur thu a sawi bawk. Dan zawm lo lirthei neitute chu an chungah dan anga hmalak zel a nih tur thu leh, mipuiten dan zawm chunga lirthei enkawl \heuh tum turin a chah bawk a ni.
State Transport Authority hian Serchip khawpui chhungah hian Parking Fee khawnna tur hian Area 5 a siam a, heng ah hian a khawn dan tur pawh ruahman nghalin Three Wheeler leh LMV Public Service, sorkar in stand a pekte chu an Stand ah nikhat atan Three Wheeler in Rs. 5/- leh LMV in Rs. 10 an pe \hin anga. Hei hi anmahni Stand-a an dinna atan chuah niin Parking Area danga an dinnaah erawh chuan Parking Fee pangngai, STA bithliah ang hi an chawi ve zel a ngai dawn a ni.
Hetianga Parking Fee khawn a nih dawn tak avang hian Parking Area-ah hian lirthei pakhat hi nikhatah a dahna hmun pangngai ah darkar 10 aia rei dah phal a ni lova, chutiang aia rei dah ngai, thil \ul bik a awm chuan thuneitute phalna neih a ngai \hin dawn a ni.
Heng Parking Area atana puanna hmuna Collector dil duhte tan dilna hun hawn nghal a ni dawn a, Chanchinbua Tender Notice a chhuah a\anga huntiam chhungin a dil duh apiang tan dil theih a ni ang.