MNF-in midang kan thawhpui dawn lo, amah in a maldin dawn : Zoramthanga

MNF President, Zoramthanga chuan MNF-in midang an thawhpui dawn lo tih sawiin, BJP an thawhpui dawnloh thu leh a mal-a an din dawn thu a sawi.

MNF party in nimin a Aizawl Mizo Hnam Run-a Chhung Inkhawm an neih ah MNF President, Zoramthanga hian thu sawiin MNF dinna thuthlung pawimawhte zinga pali (4) a puang a. He hunah hian Zoramthanga chuan MNF chu midangte’n BJP nena thawkho tur anga an sawi leh \hin chu thu diklo a ni tih sawiin, “Kum 30 chhung deuhthaw party dang thawhpui tur leh lo thawhpuiin kan lo buai ngar ngar tawh a, engtiklai mahin sorkar siam pawhin siam loh pawhin tihfuh leh kaltluanpui a la awm thei lo. Chumi hnuah AMC-ah kan mal din a, kan chak ta tlat a, chuvangin, MNF High Command-in a lo rel tluk tawh angin MNF chuan tumah a thawhpui dawn lo, a malin a ding dawn,” tiin chumi a hlawhtlin theihna tur erawh chuan anmahni pui duh apiang te pui turin a sawm nghal bawk a. Chakma Candidate nei lo tura thu an puan pawh ‘BJP nen thawhho an tum vang’ tia an sawi leh \hin pawh a diklo tih sawiin, “BJP kan thawhpui dawn lo va, amalin kan ding dawn a ni,” a ti.

Zoramthanga chuan National Democratic Alliance (NDA)-a Congress duhlo thawhhona leh chumi a\anga peng lehchhawng North East Democratic Alliance (NEDA) a thawhhona chu Party \henkhatin a ni lo zawngin MNF puhchhiat tum nan an hmang \hin tih pawh sawiin, “Congress duhlote NDA-ah sorkar laipui-ah \anhona siam a ni a. Congress leh a thawhpuite UPA-ah an thawkho a, a in\henphuk a ni,” a ti a. NDA chu Mizoram a\angin MNF, ZNP leh MPC te’n an thawhpui thu leh North East Democratic Alliance (NEDA)-ah pawh chutiang tho chu a ni tih sawiin, “Kan thawhho pui avang hian anmahniah kan va inchhung ta a ni lo. Mizoram Kohhran Hruaitute Committee (MKHC)-ah Kohhran hrang hrang kan thawkho ang chiah hi a ni a, Kohhran hrang \heuhin kan ding tho ang chiah hian NEDA-a kan thawhho dan pawh hi chutiang chiah chu a ni. North East Democratic Alliance (NEDA) hi India hmarchhaka National Democratic Alliance (NDA) peng te zawk mai a ni,” a ti bawk.

MNF President chuan Yoga chungchang pawh sawiin, sorkar zirna In leh Office-a tihluihnaa Yoga inzirtir chu \ha an ti lo tih sawiin, MNF a sorkar chuan tihluihna in tumah a tihtir dawn lo tih a sawi a. Sakhua leh hnam humhalh chungchangah Bawng talh khap tih te, tihluihnaa sakhaw dang inzirtirna tih te, Mizoram-a tihluihnaa Hindutva lakluh luih tihte leh kan sakhaw ni pawimawh bik Chawlhni leh ni pawimawh dangte tibuai zawnga phai lam a\anga ruahmanna awm \hin te leh VIP lokal tihte chu MNF chuan rem a tih dawnloh thu leh a tawp thlenga a do tur thu a sawi bawk.