Minister of State (MoS) anihna a\angin Dr. BD. Chakma-a’n banna a thehlut

Mizoram Sorkar-a Fisheries leh Sericulture Department changtu Minister of State, Dr. BD. Chakma chuan nimin khan Minister of State a\anga a banna a thehlut a. Dr. BD. Chakma hian nimin chawhma lam khan Chief Minister, Lal Thanhawla chu a Pisa-ah hmuin, Minister of State a nihna a\anga a banna hi ziakin a thehlut a ni.

Chief Minister hnena banna lehkha a thehluhah hian Dr. BD Chakma chuan, National Eligility cum Entrance Test (NEET), 2017 kaltlanga Mizoram Quota-a MBBS leh BDS zir tura thlante chu kumin July ni 20 khan Higher and Technical Education Department, Technical Wing-in Counselling a pe tih sawiin, hemi ni vek hian Counselling neih tawh sa chu chhan leh vang awm lova hnuhkir leh a ni a, H&TE Secretary chuan, Counselling hi a thara neih leh a nih tur thu a sawi bawk a. Hemi hnu July ni 26 khan H&TE Minister, R. Romawia chuan thuchhuah siamin, Mizoram Quota-a MBBS leh BDS zir turin Zo hnathlakte chauh thlan an nih tur thu a sawi leh a. Minister thusawi a\ang hian Mizoram Quota-a MBBS leh BDS zir turin Zo hnathlak lo chu thlan ve a nih loh tur thu chiang takin a hriat theih a, hetiang a nih chuan NEET kaltlanga MBBS leh BDS zir tura tling Chakma zirlai 4 chuan an zir ve thei dawn lo tihna a ni a, hemi chungchanga Sorkar thutlukna hi atan pawm theih a ni lo tih sawiin, Dr. BD Chakma chuan, mipui aiawha rorel tura thlan a nih angin hnam, chi leh sakhaw hrangte tana inangtlanga rorel sak tur a nih laia chi leh sakhaw inthliarna rawngkai zawnga hmalak a ni chu \ha lo a tih thu leh hemi atana a theih ang anga hma a lo lak ve tawhna in midang pawi a sawi a nih chuan ngaihdam a dil nghal tih a sawi. Dr. BD Chakma chuan, Minister of State a nihna a\anga banna hi a chhia leh \ha hriatna thiang tak hmanga a thehluh a ni tih sawiin, a banna hi pawmsak turin Chief Minister chu a ngen a ni. 

Hetih lai hian Chief Minister, Lal Than-hawla chuan, Dr. BD. Chakma-a'n Minister of State a\anga banna a thehluh chu pawm a nih dawn leh dawn loh ala sawi thei lo niin a sawi a. A banna hi ngaihtuah tur chauh a ni a, pawm a nih dawn leh dawn loh ala hriat loh niin a sawi.

Hemi hmalam hian Mizoram-a tlawmngai pawl hrang hrangte chuan Dr. BD. Chakma hi Minister atana lakluh a nih dawna India Constitution hnuaia dik leh rinawm taka hnathawk tura intiam siin sorkar hmalakna ti\huanawp zawnga tel-ah puhin bang turin an phut a, tun thla ni 25 thleng ngaihchan tumin, nimin a banna a thehluh ah chuan hei hi tarlan a awmlo thung a ni.