Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

NSS Volunteer ten thisen pe

Nimin khan Serchhip JN Hospital Blood Bank a dah turin Govt. Serchhip College NSS Unit te chuan thisen Unit 20 an pe a, thisen pe tute hi mipa 15 leh hmeichhia 5 an ni.
Govt. Serchhip College NSS Unit te hian Serchhip Hospital Blood Bank ah hian vawi engemaw zat thisen hi an lo pe tawh \hin a, tun \umah pawh hian Blood Bank in thisen khawlsa an tlakchham deuh avangin Blood Donation Camp hi an buat-saih leh a. Tlawmngaia thisen petute hi Blood Bank-ah hian kalin Blood Bank-a thawk ten heng mite thisen hi an lo lak sak a ni.

Comments

Chhiar Hlawhte

Book of the Year hlan