Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Transformer thlak fel ta

Chawlhkar hnih kaltaa chhia, Serchhip Venglai a Electric Transformer chhia chu nimin khan a thara thlak a ni ta.
Serchhip Venglai-a Electric Transformer, 250kVA hi tun thla ni 1 a\ang khan a chhia a, a thlakna turin a thar chah niin a rawn thlen hma atan Serchhip Hmar Veng lam tana a hrana bun tur Electric Transformer, 100kVA chu hman leh niin hei pawh hi Pathianni khan a chhe leh a, hemi hnu hian he Electric Transformer in a chawm Veng hrang hrangte hian Power Supply hmu thei lovin Transformer thar tur hi niminpiah zing khan Aizawl rawn thlenpui a ni a. P&E Department-a thawk ten zuk la ve nghalin nimin zing khan Serchhip rawn thlenpui a ni a, nimin khan Department-a thawk te hian bun nghalin nimin chawhnu lam a\ang khan dan pangngaiin Eng pekchhuah leh theih a ni ta a ni.

Comments

Chhiar Hlawhte

Book of the Year hlan