Serchhip Town-ah VC Member 57 awm dawn

Village Council inthlanpui neih tura hman tur Electoral Roll nimin a tarchhuah tak a\anga a lan danin Serchhip Town chhungah Village Council 11 a awm dawn a, heng VC 11-ah hian Member 57 awm theiin heng zingah hian VC member 45 te chu mipa an ni anga, VC Member 12 te chu hmeichhia an ni ang.

Tarlan tawh \hin angin Serchhip Town chhunga Village Council 7 awm \hin chu Village Council thar 4 siam belhin Serchhip Town chhungah Village Council 11 a awm tawh dawn a. Sorkar in VC ramri alo siam tawh \henkhat chu siamrem leh hlek a nih avangin Ser-chhip-I a\anga Serchhip-X VC zawng zawng ten seat 5 \heuh an nei thei tawh dawn a, seat 5 awm theihna ah hian sorkar in ruahmanna a siam angin hmeichhia te tan seat 1 \heuh hauh a ni dawn a, Town chhunga VC lian ber Chhiahtlang VC-ah chuan In 729 awmin anni chauh hian seat 7 an nei thei dawn a. Seat 7 awmna ah hian hmeichhia te tan seat 2 hauh a ni dawn thung a ni. Hetihlai hian inthlanna neih hun tur hi hriat ala nilo nain Party hrang hrangte chu an inbuatsaih mek a, rorellai Congress Party-a Unit hrang hrangte chuan Candidate tur rawtna an siam mek a ni.