World Consumer Rights Day pualin Serchhip-ah Consumers te chanvo inhrilhhriatna neih a ni.

Nimin March 15, 2014 kha ‘World Consumer Rights Day’ a ni a, he Ni hi Pathianni a nih avangin Serchhip-ah chuan Inrinni, March 14, 2015 khan he Ni pual hian inkhawm neih niin thupui ah 'Healthy Diets' tih hman a ni.

Serchhip-a World Consumer Rights Day puala inkhawm hi Serchhip District Consumer Association huaihawtin Inrinni zing khan Serchhip Bazar-ah neih a ni a. He hun hi District Information & Public Relations Officer, Andrew H. Lalremruata, MIS chuan khuallian nia hmanpuiin Consumer te pawimawhna a tarlang a. Consumer Association te chu mipui te tana ding leh mipuite ham\hatna leh dikna tarlansaktu an nih avangin an pawimawh hle a ni, a ti a, mipui te chu Consumer Association te chhawr \angkai a, sumdawng tena diklo taka thil an leitirna tur lakah inveng \heuh tura chahin, thil lei leh hralh chungchangah thil diklo leh sawisel tur an nei anih chuan Consumer hruaitute hnena complaint thehlut \hin turin a chah bawk.
    He hunah hian Serchhip District Consumers Association hruaitute pawhin thu sawiin Consumer te chu sorkarin a chhan tlat tih an tarlang a. Thil diklo chu huaisen taka dolet tura mipuite fuihin, mipui ten harsatna an tawk anih chuan anmahni \anpui turin an inpeih reng tih an sawi a, thilzuartute chu an buklung hman te dik taka khai tura ngenin, an bukna te a dik ngei em tih Legal Metrology lama enfiah tir thin turin a chah bawk. He hun hman zawh hnu hian SDCA hian Serchhip Bazar-a Dawr \henkhat tlawhin bukna leh thil man bithliah te an enfiah zui nghal bawk a ni.