VC inthlanna hman tur E. Roll tlangzarh a ni. VC 52-ah vote nei thei 45,945 awm dawn.

 Kumin a Mizoram District 6-a Villaeg Council inthlanpui neih tura hman tur Electoral Roll chu nimin khan tarchhuah a ni ta a, Ser-chhip District chhung Village Council 52-ah vote nei thei mi 45,945 an awm ang.

Serchhip District-a Village Council inthlanna neih tura hman tur Electoral Roll hi nimin chawhma dar 10:30 khan Serchhip District Election Officer, Juhi Mukhejee, IAS chuan Serchhip DC’s Meeting Room-ah a tlangzarh a. He Electoral Roll a\anga a lan dan chuan Serchhip District chhunga Assembly Constituency pathum (3)-ah Village Council 52 awmin heng ah hian a pumpui ah chenna In 12,983 awmin vote nei thei mipa 22,508 leh hmeichhia 23,437, an vaiin vote nei thei 45,945 an awm dawn a. 26-Serchhip ST (AC) ah Village Council 16 awmin chenna In 4874 a awm a, Vote nei thei 16,255 (mipa-7782, hmeichhia-8473) awmin Thenzawl East Village Council chu vote nei thei bakah chenna In tamna ber niin Vote nei 2426 (mipa-1176, hmeichhia-1250) awmin chenna In 774 a awm a, Vote nei thei leh chhungkaw tlemna ber chu Neihloh niin Vote nei 209 (mipa-114, hmeichhia-95) awmin chenna In 54 a awm a ni.
    27-Tuikum (ST) AC-ah Village Council 19 awmin chenna In 3818 a awm a, Vote nei thei 14,666 (mipa-7271, hmeichhia-7395) awmin Chhiahtlang (Vanchengte telin) Village Council ah Vote nei thei leh chenna In a tam berin Vote nei 2801 (mipa-1367, hmeichhia-1434) awmin chenna In 729 a awm a, Vote nei thei leh Chhungkaw tlemna ber VC chu Hmawngkawn niin Vote nei 121 (mipa-60, hmeichhia-61) awmin chenna In 31 a awm a ni. 28-Hrangturzo (ST) AC-ah Village Council 17 awmin chenna In 4291 a awm a, Vote nei thei 15,024 (mipa-7455, hmeichhia-7569) awmin Vote nei thei tamna ber North Vanlaiphai Village Council ah Vote nei 2418 (mipa-1180, hmeichhia-1238) awmin chenna In 653 a awm a, Chenna In erawh East Lungdar ah tam berin 680 a awm thung a ni. Vote nei (mipa leh hmeichhia) bakah Chhungkaw tlemna ber Village Council chu Chekawn niin Vote nei 188 (mipa-97, hmeichhia-91) awmin chenna In 50 a awm a ni.