M/s Mizo Carbon Products Pvt. Ltd. chhuifiah turin thlen.

Central YMA chuan M/s Mizo Carbon Products Pvt. Ltd. chhuichiangtu tur High Level Committee din \ha an tih thu Mizoram sorkar-a Industry Minister, Parliament Secretary, Secretary leh Director-ah lehkha siamin an thlen.

He lehkha an siam ah hian Central YMA chuan he Industry hian Commission (hna \an Ni) 14.2.2012 anga an insawi laiin Central YMA Team in Dt. 24.3.2012-a an tlawh lai chuan Commission chu sawi loh, Factory Building Construction Work an kalpui mek chauh niin an tarlang a. Khliehriat a\anga Lungalhthei (Coal) phur turin Zoram Transport Company, Zemabawk an hmang \hin nia an insawi laiin Zoram Transport Company hi Zemabawk Local Council leh Branch YMA ten an huam-chhungah an hmuh zawh loh thu leh an lungalhthei siamchhuah chu Central Lime Industry, Lengpui hnenah an hralh \hin nia an insawi laiin hei hi Lengpui Branch YMA ten enfiahin he Industry hian engmah hna an thawh an hrelo nia tarlangin, chuvangin lungalhthei an hman loh bakah an leina tur chhan hriat a ni lo niin an tarlang a.
    Hei bakah hian M/s Mizo Carbon Product HDFC Bank Account; Central Lime Industry HDFC Bank Account leh Zoram Transport Company HDFC Bank Account te chu Vimal Kishore, General Manager, Mizo Carbon Product in a buaipui vek niin HDFC Bank hotuten an sawi thu leh he Industry-in 31.10.2012 - 31.12.2012 chhunga Diesel (HSD) Rs. 1,27,447.00 Hauva Filling Station-a lei anga an insawi pawh an Manager Pandey chuan hetiang hi an lei loh thu a sawi nia tarlangin, March 1, 2014-a Central YMA Team in M/s Mizo Carbon Products Industrial Growth Centre, Luangmual an tlawh \um pawhin hnathawk hmuh tur an awmlo niin an tarlang a. Hetiang a nih lai hian Central Transport Subsidy (CTS) an dilnaah chuan nitin lungalhthei Truck trip 10 chuang lalut ziah angin an in chhut nia tarlangin, helai inkalpawhna kawng hi an sawi ang hian truck tam tak kal \hin ni sela chu a kawngah hian an hnuhma leh harsatnate pawh an tawh a rinawm hle niin an tarlang a. Heng an thil tarlan hrang hrang a\ang hian M/s Mizo Carbon Products-in CTS an dilna ah hian thil fello tam tak a awm ni ngeia an hriat thu tarlangin, hei vang hian M/s Mizo Carbon Products chhui chiangtu tur High Level Committee din \ha an tih thu leh thil awmzia chhuichhuah a nih hma chuan M/s Mizo Carbon Products dilna reng reng chu ngaihtuah zui tawh lo turin sorkar an ngen bawk.