School kai hun sawn hma chungchang zirchiangtu tur sorkar in a din.

Mizoram sorkar in Mizoram-a School kai hun sawn hma a tum chu duhlo an awm mek laiin sorkar chuan School timing tih danglam chu \ha tiin zirchiang lehzualtu tur Committee din a ni.

Mizoram a zirna kawnga hmalakna hrang hrang chungchang leh hmalak zel dan turte ngaihtuah hian niminpiah Aug. 19, 2014 khan Education Minister, Pu H. Rohluna hovin he Department-a mi pawimawhte chu Aizawl-a School Education Department Conference Hall-ah an \hukhawm a. He \hutkhawm ah hian Mizoram-a School kai hun sawn chungchang chu uluk taka sawiho niin he huna tel te hian zirlaiten khaw eng \angkai leh daihzai zawka an hman theih nan school timing tihdanglam chu a thuphungin \ha an ti a, hemi chungchang lo zir chiang lehzual turin School Education Department-a Secretary kaihhruaina hnuaiah Committee din ni se an ti bawk. Tarlan tawh angin Mizoram sorkar in School timing sawnhma a tum hi Mizo Zirlai Pawl (MZP) chuan \ha an tih thu an sawi tawh a, Mizo Students’ Union (MSU) chuan an duhloh thu leh a tawp thlenga dodal an tum thu an sawi tawh thung a ni.
    He \hutkhawm ah hian School \henkhat in zirlai naupang neihloh avanga school leh School inchhunfin na tura hmalak mek te thlirho a ni a, Education Minister, Pu H. Rohluna chuan zirlai naupang tam lohna School chhunfin chu zirtirtu indaihlohna phuhrukna \ha tak a nih theih avangin School hrang hrangte dinhmun chiang zawka zirchiang turin Department a thawk te chu a chah a. Hindi \awng chu \awng pawimawh a nih avangin zirlai ten tun aia an thiam zawk theih nan nasa lehzuala \an lak a \ul thu leh High School level-ah chuan state pawn zinna ah te Hindi a \awng thei turin zirtir thiam an \ul thu a sawi bawk a ni.