Latest News

Serchhip Kawnpui kum 60-na sawiho

Serchhip Kawnpui, tuna Serchhip khua tih takin nakum (2015) a kum 60 a tlinna tur chungchang sawihona chu nimin Aug. 20, 2014 khan Serchhip-ah neih a ni.
He sawihona hun Serchhip Sub-Hqrs. YMA Office-a neih hi Serchhip District Academy of Letters (SEDAL) huai-hawta neih niin SEDAL aiawhin Pu KL. Chhuanvawra chuan a kaihruai a. He hunah hian Dec. 12, 1955 khan tuna Serchhip tih tak, Serchhip Kawnpui-ah Pu Darkhuma te awmin heta \ang hian Serchhip Kawnpui-ah mei a mit talo tih tarlan a ni a. Kum 1980 khan Serchhip Kawnpui Silver Jubilee lawmna chu neiin hemi pual hian Jubilee Memorial (JM) High School chu din a nih thu leh hemi hnu kum 2005 khan Serchhip Kawnpui Golden Jubilee chu lawm leh a nih thu te, he Jubilee pual hian Serchhip Bazar building sak thar chu Golden Jubilee Market tia a hming vuah a nih thu te pawh sawilan a ni bawk. He hunah hian SEDAL hruaitute chuan Serchhip Kawnpui Diamond Jubilee pual hian SEDAL chuan lehkhabu buatsaih an tum thu te pawh tarlangin, Serchhip khua, khawhlui a awmlai a\anga kum 100 tlin lawmna neih theih tawh chu lawm a nih tawh loh avangin Serchhip Kawnpui Diamond Jubilee hi lawm ngei an duh thu te pawh an sawi bawk. He sawihona hunah hian SEDAL aiawh, MZP leh MUP ai-awh bakah thuthar thehdarhtu \henkhat te an tel a ni.

Comments

Popular News (Last 30 Days)