Chhingchhip-a lei tlahniam vangin chenna In 1 \hiah leh a ni.

Chhingchhip Mualpui-a National Highway-54 kawng chhuat tlahniam \hin kal zelah nimin Aug. 21, 2014 khan chenna In 1 chu \hiah leh a ni a. Hetihlai hian he lei tlahniam \hin helna tura kawng siam tur atana hmalakna ah tun thlengin ram lak fel ala nilo thung.

Chhingchhip Mualpui huamchhunga NH. 54, tunhma lam a\anga tlahniam \hin leh hemi avanga In 3 lai lo \hiah tawhna hmunah hian Aug. 19, 2014 khan Pu ZD. Lianzika In hnuai chu nasa takin a khi thar leh tih hmuhchhuah niin leikhi hi a zau zel nia a lan avanga In hi luah zui ngam chi nia a lan loh avangin niminpiah Aug. 20, 2014 khan Pu ZD. Lianzika te bungrua hi mi tlawmngai ten an thiarchhuak a, hemi hnu nimin Aug. 21, 2014 khan Chhingchhip Mualpui VC leh YMA te chuan khawtlang huap hnatlang koin Pu ZD. Lianzika te In, Assam Type hi an \hiat a, he hnatlang ah hian mi 200 chuang zet an thawkchhuak a ni. Pu ZD. Lianzika te hian In dang an neihloh avangin Chhingchhip Mualpui-a Primary School-III leh IV chhunfin a nih avanga ruak ta, Primary School-III ah hian an bungrua te thiarluh niin VC te chuan In hmun an pek theih thu leh amaherawh chu an In hmun pek tur neih hi khaw hmawr lam anih avangin In neitute thu thu a nih thu an sawi thung a ni.
    Chhingchhip Mualpui-a lei tlahniam tia sawi lar, NH-54 hi kum 1998 khan a khi hmuh \an niin 30.6.2000 khan ft. 1 velin a tlahniam a, hetihlaia kawngpui enkawltu BRTF te chuan lung \hahnem tak chhungin kawngpui hi siam\hat leh a ni a. Amaherawh chu 8.9.2007 khan ft. 8 vel zeta tlahniam lehin hei pawh hi kawngpui enkawltute chuan Lung chhungkhat in an siam\ha leh a. Hemi hnu 7.9.2010 khan NH. 54 kawngpui hi a tla thla ta a, hei vang hian helai hmunah hian Beiley Bridge dawh niin a tir lamah phei chuan Motor lian rit phur te chuan harsatna an lo tawk fo a. Hetiang anih avang leh helai hmuna lei hi ala chet zui zel avangin PWD (Highway) chuan helai helna tur hian kawng zawn an tum a, he kawng thar zawnna tur hian mimal chenna In 15 vel chu a tihchhiat a ngai dawn a. Heng In neitute hian sorkar in zangnadawmna a pek theih chuan an ram hi an pek theih thu sawi mah se tun thlengin ram neitute leh sorkar inkarah inremna ala awm thei rihlo a ni. Helai hmuna ram neitu \henkhat te chuan tun dinhmun ah sorkar in an ram lak sak tura ruahmanna a siam avangin an ramah hian kutthlak phal a nih tawh loh avang leh an ram erawh lak sak mai an la nihloh avangin harsatna an tawk mek tih an sawi a. Hetianga an ram lak sak an la nih mai lohna ah hian PWD lamah nge Revenue Department lamah harsatna awm zawk pawh an hriatloh thu an sawi bawk a ni.
    Helai lei tlakhniamna hmun hi Serchhip District chhunga bungraw lakluhna kawng pawimawh ber a nih avang leh Beiley Bridge dawh a nih avanga lirthei ritphur ten harsatna an tawh \hin vang hian kumin March 25-27 chhunga YMA Sub-Hqrs. Serchhip Conference chuan he kawng helna tur siam hna hi chak zawka thawh a nih theihna turin hmalak nise tiin an rel a. |awi tlang Group YMA leh Zawlbuk Group YMA Conference pawhin he kawng helna tur siam hna hi a rang thei ang bera thawh nise an duh thu an lo sawi tawh bawk a ni.