DIG (SR) in chhimlama Police hmalakna te sawipui.

DIG (Southern Range) kalchhuak tur Pu LH. Shanliana, IPS chuan nimin Aug. 21, 2014 khan Lunglei-a tlawmngai pawl hrang hrangte kawmin Police te hmalakna leh mipuite tana hriat tur pawimawh hrang hrang a sawipui.

He inkawmhona hunah hianPu LH. Shanliana chuan Tuipang, Sangau leh Borapansury Thana sakna atan cheng nuai 73 \heuh ruahman in hna \an mek a nih thu leh Lunglei, Tlabung, Vasei leh Bungtlang (S)-ah te Thana sakna tur sunction vek a nih tawh thu a sawi a. Lunglei khawpui chhunga Police Quarter sak nan cheng nuai 500 sanction a nih thu leh Lawngtlai bul, Thingkah rama 3rd IR Bn. Hqrs. sakna turin cheng vbc.28.42 sunction anih thu a sawi bawk. DIG chuan District 3 - Lunglei, Lawngtlai leh Saiha-ah dan leh thupek kenkawh chungchangah a lungawithlak thawkhata a hriat thu sawiin, ‘Democracy ramah chuan mipui ten lungawilohna lantir nan leh thil ngen nan kawng hrang hrangin sorkar an nawr \hin a, chutiang hunah pawh mipuiten an hriatreng tur chu mipuite chhiah tlingkhawma lei/sak sorkar building, bungrua leh motor te hi tihchhiat tur a ni lova, mipui nawlpui chak lakna ber National Highway danchahte phei chu tih hauh tur a ni lo,’ a ti bawk. Tun dinhmun ah hian Lunglei District-ahPolice 388 awm turah 322 awmin post ruak 66 a awm a; Lawngtlai District-ah 227 awm turah 187 awmin post ruak 40 leh Saiha District-ah 265 awm turah 214 awmin post ruak 51 a awm mek bawk a ni.