Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MZP in UPSC Civil Services Coaching Centre din ngei duh.

MZP Gen. Hqrs. chuan UPSC Civil Services Coaching Centre din tumna awm thuneitute lam a\anga tihtawp a ni ta mai chu pawi an tiin hriatthiam har an tih thu an sawi.
MZP hian nimin June 13, 2014 khan thuchhuah siamin Union Public Services Commission (UPSC) in Civil Services Examination, 2013 result a tihchhuaha tling zinga Zohnahthlak hming engamaw zat lo lang chu lawmawm an tih thu leh an lo rel lawk tawh angin hun remchang hmasa berah lawmpuina leh chawimawina hun hman an tum thu an tarlang a. Mizo \halai lehkhathiam tam zawkin UPSC Exam ah hlawhtlinna an chan theih nan Civil Services Coaching Centre siam turin thuneitu te hnenah vawi tamtak an lo thlen tawh \hin nia tarlangin, Mizoram sorkar pawn thui tak hma la in, UPSC Civil Services Coaching Centre din a nih theih nan hian Higher & Technical Education Department leh Mizoram Scholarship Board hnuaiah a buaipuitu tur bik OSD te dahin ruahmanna pawh thui tak kalpui a lo nih tawh thu bakah \halai lehkha thiam 300 chuang laiin Coaching kal tumin an hming pawh an ziak lut tawh nia tarlangin, hetianga ruahmanna a kal mek lai hian UPSC Civil Services Coaching Centre din tumna awm chu thuneitute lam atanga tihtawp a ni ta nia tarlangin, hei hi pawi an tih thu leh hriatthiam har an tih thu tarlangin, Mizo \halai lehkhathiam tam zawkin UPSC Exam an paltlang theih nan UPSC Civil Services Coaching Centre chaltlung tak a rang thei ang bera din thuai turin thuneitute an ngen thu an tarlang bawk.

Comments

Popular News (Last 30 Days)