Football Tournament khelh zawh a ni

Serchhip District Football Association buatsaih Under-14 leh Under-17 Football Tournament chu nimin khan khelh zawh a ni ta.

Team 14 telna Under-14 ah Then-zawl FA in P&E FC chu 3-0 a hnehin an champion a, champion Team hian Rs. 5000/-  dawngin a chaklo lam hian Rs. 2500/- an dawng a, Then-zawl FC tana goal 10 thuntu Lal-rinawma chu Top Scorer niin an Goal Keeper, Zodinpuia chu Best Player a ni a, P&E FC hian Fair Play Award an dawng bawk.
    Under-17 ah team 12 telin Dinthar FC chuan Angel's Football Club Thenzawl chu 2-0 a hnehin an champion thung a, champion in Rs. 6000/- leh a chaklo zawkin Rs. 3000/- an dawng a. Goal 3 thuntu Lalremruata, FC S. Kawnpui chu Top Scorer niin Vanlalhmuaka, Dinthar FC chu Best Player a ni a, Dinthar FC in Fair Play lawm-man an dawng bawk a ni.