Chanchinthar thenkhat :

Bandh tur sawiho dawn

@@@ Mizoram-a tlawmngai pawl hrang hrangtenimin a Aizawl-a \hu-khawm in tun thla ni 7 a\anga  ni 9 (Darkar 7) chhung Mizoram-ah Total Bandh neih an rel chu Serchhip ah pawh a \ul anga hma lo la turin YMA Sub-Hqrs. Serchhip chu an ruat a. Hemi ang hian tukin zing dar 7:00 hian YMA Sub-Hqrs. Serchhip chuan Serchhip-a tlawm-ngai pawl hrang hrang leh Town Branch YMA President \heuh te chu YMA Sub-Hqrs. Office-ah kokhawmin he Total Bandh neih ve dan tur hi an sawiho ang.

Volleyball zofel dawn
@@@ Serchhip Chanmari Volleyball Club buatsaih R. Rengbuaia, F. Zo-liana leh H. Lalngaihawma te hriat-rengna atana buatsaih Serchhip District huap Volleyball Tournament chu Vawiin chawhnu dar 2:00 hian Chanmari Volleyball Court-ah Final khelh a ni dawn ta a, Final ah hian S. Chanmari Volleyball Club hnehtu New Serchhip (Yellow) leh S. Veng-chung Volleyball Club hnehtu Ser-chhip Chhim Veng te an intum ang.
MPF in \an la turin ngen

@@@@MPF Serchhip District Forum chuan April ni 9, 2014 a Mizoram Lok Sabha MP leh Hrangturzo Assembly Constituency Bye-Election neih turah inthlanna thianghlim, dik leh felfai a awm theihnan Political Party tin te \an la turin an ngen

Zikhklum thar vanglai thleng mek

@@ Serchhip Zawlpui Phai-a Zikhlum chin chuan a thar vanglai a thleng mek a, Mizoram hmun hrang hrangah thawn-chhuah mek niin Serchhip Bazar-ah chuan Kg. 1 zelah Rs. 10/- a hralhchhuah a ni.

MEF Conf-ah RUSA zir
@@@ Mizoram Educational Foundation (MEF) chuan nimin April 4, 2014 khan Aizawl-ah I&PR Auditorium-ah General Conference leh Seminar an nei a. Mizoram Educational Foundation hi kum 2004 a\ang khan mumal taka kalin Education-a tui mite telna a ni a, tunah hian Annual Member 41 leh Life Member 9 an awm mek a ni. He hunah hian Rash-triya Uchhatar Shikshka Abhiyan (RUSA) zirho a ni a, RUSA hian a \ha thei bera zirna sang zawka phu ngeite mi tam zawk luh theih nan lang-tlang, rintlak leh chhawrnaawma kal-pui a tum a ni.

Inthlanpui atan inpeihkhat
@@@ Kolasib District-ah chuan MP inthlanpui nei turin inbuatsaihna peih thawkhat a ni ta a. Ruahman lawk ang chuan naktuk, April 6, 2014 zing dar 6:00-ah Polling party te kalna tur tihchianna randomization neih a ni anga, chhun dar 12:00-ah inthlanna hmanrua te lakchhuah a ni ang. April 7 (Thawh\anni) ah Polling party 9, hmun hlaa duty turte chuan EVM la chhuakin an duty na an pan ang a, a tuk April 8th ah Polling party 68 ten an duty na an pan leh dawn a ni.

@@@ Hetihlai hian Lunglei District-ah pawh Polling Party-te final randomization chu nimin khan neih a ni bawk a, Vawiin hian Polling Party te kalna tur hi tihchhuah tur niin Polling Party te hian an bungrua te an lakchhuak nghal dawn bawk a, Polling Party chhuak hmasa ber tur 16 te chu naktuk zing dar 8:00-ah an chhuak ang.

MPF in candidate kawm
@@@ Mizoram People Forum (MPF) Gen. Hqrs. chuan nimin khan Lok Sabha inthlanpui neih tura Candidate te chu kokhawmin Mizoram tana hmalak an tum dan hrang hrang an sawipui.