Latest News

PCC President Pu Lal Thanhawla’n EVM rigging chu an la tih ngailoh thu a sawi.

Mizoram Pradesh Congress Committee (MPCC) President leh Chief Minister ni bawk Pu Lal Thanhawla chuan EVM Rigging chu an la tih ngailoh leh tih an tumloh a nih thu a sawi.
He thu hi TV kaltlanga nimin (6th April, 2014) a thuchah a sawina ah sawiin MPCC President, Pu Lal Thanhawla chuan vote thlakna atana hman EVM zawng zawng hi Strong Room-ah dahkhawmin, Candidate Agent zawng zawngte remtihna tello chuan hawn theih a nilo tih a sawi a. Rigging chu an party-a hruaitute chuan an la ngaihtuah ngai lova, an la ti ngai lova, tih an tum bawklo tih sawiin, ‘An ti ngai bawk hek lovang,’ a ti a, ‘Tuna Rigging rawn ti thar lehtu te hi hmana Pi Hlimpuii Bawm Durtlang kham-ah an paih tia chiau hlut te leh mipui ti chi-ai tute leh Bung Bangla thlang tuiluankawrh-ah Ballot Box an chhar titu te bawk kha an la ni,’ a ti a. Amah leh a thawhpui te chuan mipui rorelna chu an dah pawimawh ber reng dawn thu leh inthlan buaipuitu zawng zawngte pawh an ring tawk tih a sawi a, EVM tih chingpen theih dan an hrelo tih sawiin, amah leh a thawhpuite chuan an ti chingpenlo tih a sawi a, tihchingpen nia sawi \hintu Party hruaitute chuan a tih chingpen dan chu an hriat zawk a rin thu a sawi bawk.
    Hei bakah hian Pu Lal Thanhawla chuan EVM chungchangah hian a tawp thlen an ngam tih sawiin, ‘Zoram mipui ten hemi ah hian thudik in hriat theihna turin keini hian he EVM hi tih chingpen a lo ni tak tak tih finfiah a nih chuan kei leh ka thawhpui, kan hotute hi politics a\angin ban vang vang kan ngam a, kan cho a. Chutiang bawkin tih chingpen a lo nilo a ni tih finfiah a nih chuan tuna UDF inti party hrang hrang hotute leh an thawhpuite hi an bang ve ngam tur a ni,’ tih chu a chona a ni tih a sawi a. ‘EVM emaw, Ballot Box a nih laiin  emaw tih chingpen kan Congress hian kan la tum ngailo a, kan tum dawn bawklo, a ti bawk.

Comments

Popular News (Last 30 Days)