Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Nikum chhungin Rakzu litre 37,318.49 zet man a ni.

Zu khap burna dan hman mekna Mizoram-ah nikum chhung khan Excise leh Police Department chuan tualchhung siam Rakzu litre 37318.49 manin, Zu bilhlai |in 98,315 bakah, Sap zu (IMFL-750ml) bottle 91,742 zet man an nei bawk.
Mizoram Excise in thla tin a monthly report an pek, Directorate of Information & Public Relation (DIPR) website a tarlan a nih danin, nikum 2013, January - December chhunga Mizoram Excise leh Police department ten Zu zuar an man zawng zawng chu mi 2149 niin, Zu rui 242 man an nei bawk a, heng te bakah hian Zu sakna bel \hahnem tak man an nei bawk a, Zu kaihhnawiha man lirthei \hahnemtak man nei bawkin, Sap Zu (IMFL-750ml) bottle 91742 bakah hian foreign a\anga lakluh (Foreign Liquor) dang bottle thahnem tak man a nei bawk. Kumin 2014 china Mizoram Excise in report an neih chin January thla chhung bikah pawh Zu zuar - 101 man nei leh tawhin, Zu rui - 10, Rak Zu litre 2213.675, Zu bilhlai - tin 5321 leh Sap Zu (IMFL - 750ml) bottle 8049 zet man an nei leh tawh a ni.

Comments

Popular News (Last 30 Days)