Latest News

ZNP in thawhho tumna tlawlh chhan sawifiah

ZNP chuan thuchhuah siamin MP inthlanna neih turah ZNP in Elected OB a\anga MP(Lok Sabha) Candidate tur rawt bik nei niawm takin a ngaih theih a sawi awm chu a diklo tih sawiin, Candidate tur hi sawi ala awmlo tih an tarlang.
Nimin a thuchhuah an siam ah ZNP chuan Mizoram-a eptu party te thawhho tumna hian MP inthlan chauh ni lovin  MDC pathum (3) leh MLA Bye- Election (Seat nga) neih tur atan a thawhhona leh VC leh AMC inthlan turte pawh tiamin tinzawn a ni tih tar-langin, heng ah hian MP chauh hi ZNP chuan hauhin a dang zawng MDA ken an remti tih an tarlang a. Hei bakah hian ‘MP Candidate tur chu Independent- in dintir nise, Symbol atan pawh Free Symbol zinga mi hman nise tih rel a ni a. Chu pawh chu ZNP chuan a remti thei zel,’ tih tarlangin, amah-erawhchu MDA lamin ZNP in a hauh ve chhun tak ngial pawh an remtihpui theihloh avangin thawhho tumna chu a tlawlh ta rih a ni, an ti a. Heti chung pawh hian ZNP chuan engtiklai pawhin inbiakna hi chhunzawm leh a inpeih reng a ni, an ti bawk. Hei bakah hian ZNP chuan Mizoram Pradesh BJP Committee leh HPC (Registered Party) te nen thawh hova NDA zawm relthluk a nih angin ZNP kaihhruai NDA chu India Hmar-chhaka BJP hruaitu (Incharge) te nen 12th March, 2014 khan Guwahati-ah tihfel a ni ta tih an tarlang bawk.

Comments

Popular News (Last 30 Days)