MGNREGS hnuaia mipuite inhlawhna siam zat inanglo chungchang RD Deptt. in sawifiah.

Rural Development Department chuan thuchhuah siamin MGNREGS sum chu Financial Year khat chhuanga District tin ten thla tin inhlawhna tur ruangam an lo siam lawk anga pekchhuah \hin a nih thu an tarlang.

MGNREGS hnuaia District te hnena sum sem dan chanchinbu \henkhata tarlan chungchang sawifiahin Rural Development Department chuan Financial year 2013-14 a\ang hian Central Ministry (Rural Development) in Ni Za inhlawhna tur State Employment Guarantee Fund (State Level) ah a rawn chhung lut a, chuta \ang chuan District tin te hnenah an Labour Budget, Financial Year khat chhuanga District tin ten thla tin inhlawhna tur ruangam an lo siam lawk a zirin Distict tin te hnenah inhlawhna tur pekchhuah leh a ni, an ti a.
    Union Ministry in MGNREGS-a inhlawhna tur a rawn pekchhuah hian kan State Monthly Labour Budget projection siam min lo phal sak tawh angin min pe tih pawh tarlangin, ‘District tin te inhlawhna an pek theih zat a in ang lohna chhan hi anmahni in an monthly Labour projection siam a in ang loh vang a ni, an ti a, District \henkhat in kum tir a\anga kum lai hawl thleng projection (inhlawhna tur, ni zat) an siam tawh laiin District \henkhat chuan Financial Year tawp lamah an Labour projection hi an hnawh khawm vak mai niin an tarlang a, hei hi District \henkhat in inhlawhna an hmuh tlem chhan a nih thu pawh tarlangin, Labour Budget Projection hi District tin ten anmahni pual liau liau a an insiam a nih thu leh District ten kum khat chhunga an sum hmuh dan tur hriltu pawimawh tak a nih bawk thu an tarlang a. Central Ministry pawhin District tin te Monthly Labour Projection siam sa en in inhlawhna siamna tur hi a release thu leh SEGF account ah chumi zulzui chuan State Level a\angin District level ah release leh mai \hin a nih thu an tarlang bawk.