Inthlanpui neih tur thlirlawkna Serchhip-ah neih a ni

Lok Sabha inthlanpui neih tur leh Hrangturzo (ST) Assembly Constituency-a bye-election neih tur chung-chang thlirin Serchhip District Level Standing Committee chu an Chairman leh District Bawrhsap ni bawk Pi Juhi Mukherjee IAS hovin nimin khan an \hukhawm.

He \hut-khawm Serchhip DC’s Meeting Room-a neih ah hian inthlan hun tur puan a nih tawh avanga Model Code of Conduct hman \an a nih tawh thu leh MCC bawhchhia an awm a nih chuan Help-line No. 226099-ah report theih a nih thu sawi a ni a, Mizo \awnga siam; Model Code of Conduct Guide Line chu meeting-a kalte hnenah sem a ni bawk. Tin, Election dan kalha chetna a awm leh awm loh vilzui turin Serchhip District chhunga Assembly Constituency pathumah te MCC Monitoring Team siam a ni a, 26-Ser-chhip-ah Pu Lawmkima SDO(S) Serchhip, 27-Tuikum-ah K. Lalhmuakliana SDO(C) Thenzawl leh 28-Hrangturzo bial ah Ngulsangvela, SDO(C) North Vanlaiphai te chu mawhphur tura ruat an ni. He meeting-ah hian Election Commission duh dan anga candidate-te sum hman dan vil tur leh an sum hman zat chhutna tur atana rate hrang hrang siam tawhte chu pawm a ni a, Public Meeting te, Rally leh Campaign-na atana motor hmang tur reng rengin Form siamsa hmangin District Election Officer hnenah phalna an la hmasa zel tur a nih thu sawi a ni bawk. Tin, heng inthlan lo awm turah hian mipui a tam thei ang berin vote an thlak theih nan theih ang anga \an lak nise tiin an rel bawk.