Chargesheet thehluh hnuah thubuai ngaihtuahlo

Mizo Phantom ti-a hriat lar, Pu K. Chhawn\huama’n Chief Minister hnena thu a thawn thubuaiah Police te chuan Court-ah chargesheet an thehlut ta.

Pu K. Chhawn\huama lakah hian dan 5 – IPC 506-na, mi tih\haih thubuai, kum 7 thleng lung in tan theihna leh pawisa chawi theihna, IPC 507-na, hming hriat loh hmanga mi tih\haih, kum 2 thleng lung in tan theihna, IPC 201-na, thil tihsual finfiahna awm theilo tura tihchhiat thubuai, kum 3 thleng lung in tan theihna, IPC 204-na, lehkha pawimawh emaw, electronic record emaw, court-a thehluh theih tur tihchhiat thubuai, kum 2 thleng lung in tan theihna leh pawisa chawi theihna bakah IT Act bung 66(A) tlawh chhanin thubuai an siamsak a ni.   
    He thubuai chungchangah hian Chief Minister SMS thawntu a puh, Pu K. Chhawn\huama chu nimin khan Court-ah a inlan a, amaherawh chu he case khawihtu tur Magistrate First Class, Laldinpuia Tlau chu adalat lama a duty avangin SMS thawntu hi haw tir leh nghal a ni. Thudawn danin he Case hi Chief Judicial Magistrate, Pi Sylvie Z. Ralte Court-a chai tura tih chu Laldinpuia Tlau hnenah pekchhawn (endorsed) a ni a, nimin khan Magistrate First Class hian duty dang a neih avangin chargesheet document hi Pu K. Chhawn\huama Ukil ten an dawng (deliver) hman lo a ni. Hetiang a nih avang hian Court leh hun tur atan March ni 18, 2014 chu ruat a ni bawk