INC in MP inthlan leh bye-election-a an candidate tur puang.

Thla thar April 9, 2014-a Mizoram Lok Sabha inthlanpui neih tur leh hemi ruala 28-Hrangturzo (ST) Assembly Constituency-a bye-election neih tur atan nimin khan Indian National Congress (INC) chuan an candidate turte an puang.

Congress Party hian nimin a an Party Office, Congress Bhavan-a inkhawm neih ah an Candidate turte hi puangin nikum a Mizoram Legislative Assembly inthlanpui neih \uma Hrangturzo INC Ticket-a thlantlin, Pu Lal Thanhawla’n he bial a chhuahsan avanga bye-election neih turah hian an Party \halai, MPYCC-a President nilai, Vanlalawmpuii Chawngthu chu an din tir dawn a, Vanlalawmpuii Chawngthu hi Pu C. Chawngkunga, Ex-MLA fanu niin Dt. 8.10.1979 khan a piang a, zirna lamah MA (Pol. Science) a ni a, Dawrpui Vengthar-a khawsa niin MPYCC-ah Secretary leh Treasurer hna alo chelh tawh a, tunah hian MPYCC-ah hian President a ni mek a ni.
    Hemi rual hian Lok Sabha inthlanpui neih tura Mizoram-a ding tura AICC in alo tarlan tawh, Pu CL. Ruala chu nimin khan he inthlanna chuh tura puan chian a ni bawk a, Pu CL. Ruala hi kum 1935-a piang a ni a, thiamna lamah chuan BA/BT a ni a, kum 1968 ah Politics luhchilhin District Council hunlaiin MDC hna a chelh tawh bakah Mizoram UT a nih lai khan MLA a ni tawh bawk a, State nih hnuah pawh MLA atan hian thlantlin leh niin Cabinet Minister hna te pawh a chelh tawh a, Lok Sabha 15-na ah khan MP atan thlantlin niin he hna hi a chelh mek bawk a ni.