Latest News

Tuikuk raltlante Tripura-a vote thlak tir anih chuan MSU in inthlan boycott an tum.

Mizo Students’ Union (MSU) chuan Member of Par liament (MP) inthlanpui lo awm turah Election Commission of India in Mizoram pawna awm Tuikuk te duhsakna uchuak tak nena an awmna hmuna vote a thlak tir leh dawn a nih chuan MP inthlan neih tur chu an boycott tur thu an sawi.
Mizo Students’ Union (MSU) Gen. Hqrs. hian nimin khan Executive Meeting neiin hemi chungchang hi an sawiho a, MSU in Tripura-a Tuikuk awmten Mizoram inthlan-a Vote an thlak loh nana nasa taka alo beih tawh na chu chhunzawm reng a nih thu sawiin, Chief Election Commisioner, Election Commissions of India hnenah Ni 24.01.2014 khan MSU chuan Tripura-a Tuikuk awmte’n Mizoram inthlana Vote an thlak loh nan ngenna a thlen nawn leh tih an sawi a, ‘MSU ngenna hian awmzia a neilo a, Election Commission in kum 2014 Member of Parliament (MP) Election kan neih turah Mizoram pawna awm Tuikuk te duhsakna uchuak tak nena an awmna hmun Tripura-a Vote a thlak tir leh dawn anih chuan kum 2014 Member of Parliament (MP ) Election kan neih tur hi MSU chuan a Boycott dawn a ni,’ an ti.
    Hei bakah hian MSU Executive Meeting chuan Post Matric Tribal Scholarship Mizo Zirlaite’n Vawin thlenga a nla dawng theilo chu pawi an ti tak zet tih pawh sawiin, he Scholarship hi January, 2014 chhung ngeia pechhuak turin thuneitute an phut thu sawiin, pekchhuah a nih loh chuan a \ul dan ang anga hma an lak tur thu an sawi bawk.

Comments

Popular News (Last 30 Days)