Rukbo chhuah loh ah eptu ten sorkar an dem

Mizoram-a eptu party 4 te chuan nimin khan thuchhuah in\awm siamin 23rd Nov. 2013-a misualin an rukbo 3 zinga 1, Deep Mandal Vawiin thlenga chhuah ala nilo chu an dem thu an tarlang.

Hemi chungchanga thuchhuah in\awm an siamah hian eptu pawl 4, MNF, MPC, ZNP leh BJP te chuan Mizo 2 chhanchhuak thei reng si a, Non-Mizo Deep Mandal chhanchhuah a ni ve lo chu inthliarhranna leh inthlauh-thlakna niin an ngai tih an sawi a, Mi-zoram sorkar Congress Ministry hmalak duh dan hi zahpuiawm an tih thu pawh an tarlang a. Jan. 26, 2014 (Republic Day) ralhmaa Deep Mandal kidnap hi Mizoram sorkarin a chhanchhuak ve lo a nih chuan nasa zawka hmalak an tum thu an lo puan tawh chu hmalak chhun-zawm a nih thu pawh tarlangin, YMA Mamit Sub-Hqrs. in ni 5-6th Feb. 2014-a mibo zawn hnatlang a koh chu an thlawp mai ni lovin a thei apiangin \awiawm an tum tih an tarlang a. Tin, mibo chung-chang ah Zampui tlangdunga kan unau Mizo hnahthlak ten harsatna engpawh heng thil avang hian an tawk palh a nih chuan an thlavang hauh tura fehchhuak turin an inpeih reng tih an tarlang bawk.