Tlangram lo nei tlakhniam dan en dawn

NLUP Implementing Board in ruahmanna a siam angin Serchhip District chhunga tunhnai kum nga chhunga Tlangram Loneih tih tlem kawnga thawk \ha khua thlan an ni dawn.

Hemi chungchang ngaihtuah hian nimin khan Serchhip DC, Pi Juhi Mukherjee hovin a Office-ah Serchhip District chhunga NLUP Line Department aiawhte an \hukhawm a, he \hutkhawm a tel ten ruahmanna an siam dan chuan NLUP Line Department hrang hrang ten Ser-chhip District chhunga khaw hrang hrangte insemin an chanpual \heuh te an tlawh chhuak anga, Village Council hotute nen kum 2009 a\anga kumin thlenga Tlangram Loneih tih tlem kawnga hma an sawn dan an endik hnu ah, February ni 15 ral hma in Bawrhsap hnenah report an thehlut anga, Bawrhsap hovin a ti\ha zual khua 5 thlanchhuah a ni ang a; heng khaw thlanchhuahte hming hi report kimchang nen NLUP Implementing Board ah thawn a ni ang. He hunah hian endikna tura tehfung hman tur hrang hrangte pawh inhrilhfiah a ni bawk. Hei bakah hian nimin a \hutkhawm ah hian NLUP Line Department ten NLUP Beneficiary te hmalak dan endikna turah sorkar in ruahmanna thar a siam anga Village-Level NLUP Committee (VLNC) te nena thawhho tur anih tawh avangin leh khaw engemawzat ah he Committee hi din ala nih loh avangin duh angin hma an la chak theilo tih an sawi a, Bawrhsap chuan January thla chhunga he Committee hi khawtina din vek tur anih thu leh la din lo khua te pawh din nghal tura hrilh nawn leh an nih tur thu a sawi a ni.