Hmalakna chhunzawm turin hun pek vang ni ah ngai.

MPC Party President, Pu Lalhmangaiha Sailo chuan Assembly inthlanpui neih taka Indian National Congress (INC) hneh taka thlantlin an ni chu kum 5 chhung sorkarna an chan chhunga Zoram hmasawnna atana an hmalakna leh hmachhawp la tih hlawhtlin loh tam tak te an thawh chhunzawm theihna tura mipui in hun an pek vang nia a hriat thu a sawi.

Assembly inthlanpui neih zawh hnua MPC Candidate leh PAC member te \hutkhawm niminpiah a neih ah he thu hi sawiin Pu Lalhmangaiha Sailo chuan Assembly inthlanpui neih zawh takah sorkarna fung chelh ngei tumin MDA chuan theihtawp an chhuah thu leh an rilru suangtuahna leh duhna te Zoram mipuite pawhin hriatpuiin an \awiawm \ha hle nia a hriat thu a sawi a, MDA in sorkar-na an chan theihna tura \awiawmtu te zawng zawng chungah lawmthu sawiin, tun dinhmunah ah sorkarna fung chelh lo mah se he an hlawh-chhamna hian kum 2018 inthlan lo awm leh turah inpuahchahna \ha zawk an neih a \ul zia hriatchhuah tirin, beidawng mai lovin tumruhna leh taimakna nena hma la chhunzawm zel turin Party mipuite chu a ngen bawk. Hei bakah hian Pu Lalhmangaiha Sailo chuan Zoram mipuite’n kan beisei ang ngeia kan thlan tlin tak Congress Party chuan dikna leh taimakna tak tak nena kan Zoram an enkawl ngei a beisei thu sawiin, sorkar \ha hnathawk thei siam turin duhsakna a hlan thu a sawi bawk.