Congress hruaitu ten thuthar lakhawmtute an kawm.

MPCC President Pu Lal Thanhawla leh AICC Gen Secretay, hmarchhak state bialtu Luizinho Faleiro te chuan thuthar lakhawmtute hmaah Inrinni hian sorkar thar siam anih tur thu an sawi.

Nimin chhun-a thuthar lakhawmtuten MPCC Party President Room a an kawmna ah AICC Gen Secretary chuan Mizoram-ah Congress party hneh taka thlantlin a ni chu an party in lawmawm an tih thu leh inthlan hmaa an thutiam 'manifesto' tihhlawhtling turin an party President Sonia Gandhi leh Vice President Rahul Gandhi te chuan theihtawp chhuah an tum thu a sawi bawk. Pu Luizinho Faleiro chuan Pu Lal Thanhawla power policy kal mek te chu chhunzawm anih tur thu te, Mizoram hmasawnna turin hna hrang hrang thawh anih tur thu te, leihnuai hausakna laichhuah mek ah Mizoram leh sorkar laipuiin za ah 50 ve ve an chang dawn niin a sawi bawk a, he thu hi Congress President Sonia Gandhi khan Lunglei ah thla hmasa khan alo sawi tawh a ni.
    He hunah hian Pu Lal Thanhawla chuan a Cabinet member tur te chu thlan tawh ni mahse an la sawichhuah theih loh thu a sawi a, hetiang bawkin bye-election neihna tur bial leh candidate turte pawh tun dinhmun ah chuan ala sawi chhuah theih loh thu a sawi. Thuthar lakhawmtute zawhna chhangin kumin inthlana chak ve ta lo Finance Minister Pu H. Liansailova chu Finance Minister ni tura a la duh ber thu Pu Lal Thanhawla chuan a sawi a,Oppossition tlem te in an sorkar hmasa chu a khal ngil zawk tih sawiin, tuna an sawrkar thar siam leh tur chu \ha zawk, chakzawk leh changtlung a kalpui a nih tur thu a sawi bawk a ni.