Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MPCC in inthlanpui a hnehna chan an lawm. Governor in MPCC President lawmpuina a hlan.

Mizoram Pradesh Congress Committee (MPCC) President, Pu Lal Thanhawla chuan Assembly inthlanpuia an party in hnehna a chang chu lawmawm a tih thu sawiin, an party Workers te thawhrah liau liau a nih thu a sawi.
Mizoram Legislative Assembly inthlanpui neih zawh taka an party in hnehna an chan lawmna inkhawm nimin a Aizawl-a an party Office, Congress Bhavan-a neih ah he thu hi MPCC President, Pu Lal Thanhawla chuan a sawi a, State dangah Congress party an chetchhiat laia Mizoram-a an che\ha bik chu an party Workers te thawhrah liau liau a nih thu Pu Hawla chuan sawiin, kum 5 chhung sorkar-na an chan tur chhung hian an Party Workers te chu Congress Tradition vawng chhunzawm zel turin a chah a. Sorkar hnathawk vote, Postal Ballot ah an party in vote a hmuh tlem chhan chu endik a ngaih thu leh bawlhhlawh taka hman anih \hin thu sawiin, Postal Ballot chu party dangten vote lei nana an hman \hin avangin Postal Ballot pek loh dan a awm a ngem tih thlengin ngaihtuah a ngaih tur thu a sawi bawk.
    Hetihlai hian nimin tlai khan Chief Minister leh MPCC President ni bawk, Pu Lal Thanhawla hian Mizo-ram Governor, Pu Vakkom B. Purushothaman chu a chenna, Raj Bhavan-ah a hmu a, hetah hian Mizoram Legislative Assembly inthlanpui neih zawh takah a kaihhruai Congress party chuan seat awm zawng zawng 40-ah seat 33 a lak thu a sawi a, Governor hian Congress President, Pu Lal Thanhawla chu hnehna a chan avangin a lawmpui thu alo hrilh bawk a ni.

Comments

Popular News (Last 30 Days)