Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

Nungcha humhalhna signature campaign nei \an

Compensatory Afforestation Fund Management and Planning Authority (State CAMPA) bultumin nung-cha humhalhtu pawl, ASEP chuan nimin khan Aizawl Press Club-ah ram-ngaw leh nungcha humhalhna kawnga hmalakna peng pakhat atana ruahman, “Signature Campaign on Environmental Preservation Kick-Off” function an hmang.
He hun hi Pu Rosiama Vanchhawng, IFS, Addl. PCCF chuan khuallian nia hmanpuiin ASEP-in ram-ngaw leh nungcha humhalhna kawnga hmalakna pakhat atana Signature campaign an buatsaih chu \ha a tih thu a sawi a. He programme hi an campaign-naa kalpui zel tur anih avang leh miin signature meuh hnutchhiaha an intiam dawn avangin rah \ha a chhuah ngei a beisei thu sawiin, a Signature hnutchhiah nghal a ni.
    He Kick-off function hi ASEP President Pu K. Lalmuansanga chuan kaihruaiin he inkhawmah hian Goodwill Foundation School zirlaite telin signature an hnutchhiah nghal vek a; he programme hi ASEP chuan ram-pum huapa kalpui tura ruahmanin, Zirna In leh hmun hrang hranga campaign neihna ah kalpui chhunzawm zel a ni ang.

Comments

Popular News (Last 30 Days)