Tuibur Factory vanga harsatna thleng sawihona neih a ni.

Nimin khan Health & Family Welfare Department-a Secretary, Pi Esther Lalruatkimi kaihhruaiin a Office-ah Tuibur Factory bulhnai a cheng mipuite harsatna tawh hrang hrangte leh a sutkian dan tur ngaihtuahho a ni a, Tuibur factory-te hi mihring khawsakna a\anga hla thei ang berah sawn an nih theih dan tur sawiho a ni bawk.

He sawihona hunah hian Tuibur hmuam in mihring hriselna a khawihchhiat mai bakah a thlawrna hmun Factory-ten tui leh boruakah mihring hriselna atana hlauhawm thei a siam chu buaipui tham a tlin thu leh Tuibur hmuam ve miah lo sikul naupangte leh midang tam takin an tawrh phah bawk thu tarlan a ni a, heng harsatna te hi tikiam turin Committee chuan chak tak a hmalak nise tiin a rel a, hemi chungchang hi Mizoram Pollution Control Board-ah pawh Complaint tam tak a luh tawh thu leh, Tuibur Factory \henkhat chu insawn tur a hriattir ni tawh thu leh, insawnchhuak erawh an la awm loh thu pawh he hunah hian tarlan a ni bawk. Tuibur Factory hi hriat theih chinah Aizawl leh a chhehvelah hmun 13 a awm a ni.