Candidate zingah Affidavit dikhlel tam?

PRISM chuan State assembly inthlanpui neih tura chuh tum MLA te affidavit an zirchiannaah MLA te Affidavit thehluh zingah dikhlel a tam nia an hriat thu sawiin, thil dik thei lo tam tak awm chunga nomination file zawng zawng te pawm vek anih avangin hemi chungchanga mawhphurtu leh thuneitu Returning Officer ten an mawhphurhna an hlen loh zia a lang a ni, an ti.

PRISM chuan kum 2008 Assembly Inthlan a\ang khan Lok Sabha inthlan leh By Election-ah te candidate te chanchin, thilneih leh leibat te anmahni self declared affidavit atangin an zirchiang a, tun \umah pawh hian zirchiang lehin, an hmuh dan an report ah chuan MLA te Affidavit enin an leibat a pung nasa hle a, Candidate ten an eizawnna an ziah chu belhchian a dawllo hle bawk a. Eizawn nana politics leh social work hmang an tam bawk a ni, an ti. MLA nilai te chu kum 2008-a MLA atana an in candidate a\anga tun Inthlanpui atana an in candidate leh inkarah chawhrualin an hausakna zaa 475.84 in a pung nia sawiin, Candidate zingah thubuai nei 3 an awm niin an sawi.