MIMA ten AMC Licensing Regulation, 2012 copy an hal.

Mizorama sumdawng pawl hrang hrang 17 intelkhawm, Mizoram Merchant Association chuan Inrinni khan Aizawl-a New Market (Sobji Bazar)-ah Aizawl Municipal Council-in 'Licensing Regulation, 2012' a siam copy an hal.

Hemi puala hun hmanna ah hian MIMA President, PC Laldinthara chuan he Dan chungchangah hian, AMC hotute leh MIMA aiawhte chu \um 4 ngawt an inkawm thu leh hengah te hian ram leilung fate himna tur Licensing Regulation-ah hian dah turin an ngen \hin tih a sawi a. License dilnaah 'Mizoram chhung ami ngei 'Permanent Residential Certificate' emaw, ILP vawi 4/5 a zawna thi miah lova 'renew' nei ngei chauh phutna ziahlan ngei nise,' tia an rawtna chu he dan siam\hatna (amendment) ah pawh telh a ni lo tih sawiin, "Ram leilung fate kan himna tur reng kan hmu lo," a ti.
    Hei bakah hian Sumdawnna chungchanga AMC dan siam hian 'Trade License' a kawh tlat avangin hetiang License hi Non-Mizo hnenah vawikhat chauh pawh pek a nih chuan, AMC thuneihna hmanga 'cancel' leh mai mai theih a ni dawn lo tih MIMA President chuan sawiin, Supreme Court thutlukna lo siam tawh a\ang leh Indian Constitution a\ang te pawhin, AMC Licensing Regulation-ah ram leilung fate dinhmun a derthawn dan chu a chiang tawk hle niin a sawi a, "Tuna AMC Regulation, 2012 ang taka Mizoram a sumdawn phalna hi kalpui a nih chuan kan chan chuan 'Maian chan' pawh kan hun kal zelah a la tluk lovang tih hi kan hlauthawng ta hle a ni," an ti a. Tun tut tutah Non-Mizo ten sumdawn phalna dil lo mahse, hun kal zel tur thlir erawh chuan a thim hle niin an sawi a, ram leilung fate himna telh a nih loh chuan a tawp thlenga dodal tlat an tum thu an tarlang bawk.