Indian National Congress in MLA Candidate tur puang.

Nov. 25, 2013-a Mizoram Assembly Inthlan lo awm tura Indian National Congress (INC) Candidate-te chu MPCC President Pu Lal Thanhawla chuan Inrinni khan Congress Bhavan-ah official in a puang.

Rorellai Congress party hian Assembly bial 40 an chuh kim vek dawn a, Chief Minister Pu Lal Thanhawla chu bial hnihah a ding dawn a, a bial ngai Serchhip bakah bial \henawm Hrangturzo bialah a ding dawn bawk a ni. Assembly Constituency 40-a 32 an neih sa na-ah bial 1 tih lohvah Congress MLA dinglai-te an Bial ngai-ah an ding leh vek dawn a, Minister hlui, Tuichawng bialtu MLA Pu Nirupam Chakma chu a ding dawnlo a ni. Pu Nirupam Chakma bialah hian tuna Chakma Autonomous District Council (CADC)–a Chief Executive Member (CEM) ni lai Dr B.D. Chakma chu dah a ni a, MPCC President Pu Lal Thanhawla chuan Pu BD Chakma hi dan engemaw awm avanga a din a remchanglo a nih chuan a tlai hma-in thlak leh a ni ang, a ti. INC Candidate ah hian hmel thar lang zingah Aizawl West-II a ding tur Dr. Lalmalsawma, Aizawl West-I a ding tur Pi TBC. Tlangthanmawii, East Tuipui-a ding tur Central YMA President chawl ta Pu T.Sangkunga, Lunglei West-a ding tur Chalrosanga Ralte, Lawngtlai West-a ding tur C.Ngunlianchunga leh Palak-a ding tur Pu Hiphei-te an ni.
    Congress candidate-te leh an dinna bial turte chu-Hachhek bialah Lalrinmawia Ralte, Dampa bialah VL. Robiaka, Mamit bialah John Rotluangliana, Tuirial bialah Hmingdailova Khiangte, Kolasib bialah PC. Zoram Sangliana, Serlui bialah K. Lalrinthanga, Tuivawl bialah RL. Pianmawia, Chalfilh bialah Dr. H. Ngurdingliana, |awi bialah R. Lalzirliana, Aizawl N-I-ah R. Romawia, Aizawl N-II-ah H. Liansailova, Aizawl N-III-ah Lal Thanzara, Aizawl E-I-ah R. Lalrinawma, Aizawl E-II Lalsawta, Aizawl W-I-ah TBC Tlangthanmawii, Aizawl W-II ah Dr. Lalmalsawma, Aizawl W-III ah R. Sel\huama, Aizawl S -I ah R. Vanlalvena, Aizawl S-II-ah Lt. Col. ZS. Zuala, Aizawl S-III ah KS. Thanga, Lengteng-ah H. Rohluna, Tuichang-ah Lalrinliana Sailo, Champhai ‘N’–ah TT. Zothansanga, Champhai ‘S’-ah JH. Ro\huama, East Tuipui bial-ah T. Sangkunga, Serchhip bial-ah Lal Thanhawla, Tuikum-ah K. Lianzuala, Hrangturzo-ah Lal Thanhawla, South Tuipui-ah John Siamkunga, Lunglei ‘N’-ah PC. Lalthanliana, Lunglei ‘E’ bialah Joseph Lalhimpuia, Lunglei ‘W’-ah Chalrosanga Ralte, Lunglei ‘S’ ah S. Laldingliana, Thorang bialah Zodintluanga, West Tuipui-ah Nihar Kanti Chakma, Tuichawng bialah Dr. BD Chakma, Lawngtlai ‘W’ Ngunlianchunga, Lawngtlai ‘E’ bialah H. Zothangliana, Saiha bialah S. Hiato leh Palak bial ah Hiphei te an ni.