YMA General Conference vawi 68-na zawhfel a ni

Zonuna Kawlni (LENKAWL) • October 19, 2013 • Comments • Mizoram

YMA General Vonference vawi 68-na Khawbung-a Tuipuiral Run-a neih chu nizan hmasa khan a \iak ta a, he khawmpui hmang tura khaw hrang hrang a\anga Palai kal te chuan nimin khan mahni khaw lam \heuh an pan a ni.

Nizan hmasa Palai thlahna inkhawm ah Central YMA President kalchhuak tur, Pu T. Sangkunga chuan thuchah sawiin YMA chu a dinchhan leh a thu-vawn anga a din loh chuan a ngaihtuah-awm hle dawn niin a sawi a, Chhiatna alo thlenin mite rilruah YMA a lan hmasak ber zel th ute, ruihhlo do tur pawhin YMA chungah miin rinna an nghah len ber thute, chhiat tawkte tana vehbur khawn anihin YMA chuan kim taka a dawngtu turte hnenah a pe tura ngaih a ni a, YMA thuvawn '|anpui ngaite \anpui' tih hi bansan a thiang lo a ni, a ti. Kan ramin harsatna a tawh pakhat chu mahni huam chhung bik, khaw bik leh chi bil tana hma an lakna hi a ni tiin kan awmna hmun leh khua changkan nan kan thawk ngei tur anih laiin a in\hendarh zawnga hma kan la hi a pawi a, tute emaw political ball a \an maite pawh a awm thei tiin YMA chu fimnkhur a ngaih thu a sawi bawk.
    Tun \um YMA General Conference-a General Secrerary repoort a a lan danin tun dinhmunah YMA hian Branch 796, Group 46, Sub-Hqrs. 5 a nei a, member mipa 2,32,435 leh hmeichhia 1,57,122 a vaiin 3,89,557 an awm a, Mizoram pawn Assam, Meghalaya, Manipur, Nagaland leh Tripura-ah te Branch an nei a ni. Finance Secretary report-a tarlan anih danin Central YMA hian Sept, 1, 2012 a\anga August 31, 2013 chhung khan sum Rs. 2,11,63,802/- a hmu a, Rs. 2,06,18,402/- a hmang a ni.
    Tun \uma YMA General Conference ah hian Palai an kal \ha hle a, report a nih danin mikhual riak lut mi = 6070 an awm a, hriat theih chinah khaw \henawm Dungtlang-a riak = 65, Zawlsei-a riak = 47, Samthang-a riak = 4 awmin YMA khawmpui tura riak lut zawng zawng = 6186 an ni a, Lehlang =1007 awmin Khawmpui chhimtu zawng zawng chu = 7193 an ni.
    Tarlan tawh angin tun \uma YMA General Conference hian nakum (2014) a YMA General Conference neihna tur atan Ratu an thlang a, sorkar lam khawih leh YMA khawih Agenda chi hrang hrang relin kumpuan atan ‘Ram leh Hnam humhalh’ an thlang bawk.