Assembly inthlanpui neih tura Serchhip District-a Vote tla a \hat theih dan tur sawiho a ni.

Kumin a Mizoram in Assembly inthlanpui a hmachhawn tura Serchhip District-a vote tla a \hat theih dan tur chungchang ngaihtuhin nimin khan Serchhip DC hovin mi pawimawh te an \hukhawm.

Serchhip District Election Officer leh Bawrhsap ni bawk Pi Juhi Mukherjee hova ama pisa-a \hutkhawm ah hian District Bawrhsap, Pi Juhi Mukherjee chuan Serchhip District chu India ram pumpui huapa vote tlak \hat berna district ni turin Election Commission-in a beisei tih a sawi a, hemi atana hma la turin October ni 25 a\anga November ni 4 chhungin district pumpui chhunga In zawng zawng tlawhchhuak turin Anganwadi Worker 154, ASHA Worker 56 leh Agriculture Department-a Field Staff (Gram Sevak) 20 te chu ruat an ni a, heng mite hian vote thlak a pawimawhzia zirtirna pein chhungkaw tin an tlawh chhuak vek dawn a ni.
    Hei bakah hian January 1, 2013-a kum 18 tling chin, India khua leh tui dik tak, Electoral Roll-a la chuang lo an la awm chuan Electoral Roll-a an chuan theih nan ERO, AERO, Booth Level Officer leh Designated Officer te hriattirina, a rang lama hma lak ho nise an ti bawk an ni. Nimin a Meeting-a tel te hian vote tla a \hat theih nan helam hawi zirtirna thu inziahsiak buatsaih a rel a, vote tlak \hat berna Polling Station hnenah lawman tha tak a siam nise an ti bawk. He \hutkhawm ah hian Election kaihhnawih Officer te an tel \ha hle a ni.