Latest News

Serchhip Districy-a zirna In te NSSP hnuaiah Fire Extinguisher sem an ni


Serchhip District-a National School Safety Prog-ramme (NSSP) kalpui mekah nimin khan Serchhip District-a zirna In 68 te hnenah kang\helhna hmanrua, Fire Extinguisher semchhuah a ni.
Serchhip District-a NSSP kalpui mekah hian nimin khan Serchhip District-a School Disaster Management Plan siam zo tawh zirna In 68 te chu Serchhip DC’s Conference Hall-ah Pu Vanlalrova, Nodal Officer, DM&R kaihhruaina hnuaiah kohkhawm an ni a, he hun hi Pu Lawmkima, SDO (Sadar) pawhin hmanpuiin Mizoram-a NSSP kalpui mekah Serchhip leh Aizawl District chu Pilot Project a nih thu sawiin, hei vang hian NSSP chu uluk leh \ha taka kalpui a \ul thu a sawi bawk. He hunah hian District Project Coordinator, Pi Zotinkimi chuan School Disaster Management Plan an siam chungchang hrilhfiahin Mock Drill neih chungchang a zirtir bawk a ni.  Hemi hnu hian Pu Lalsangliana, Addl. DC chuan heng zirna In 68 te hnenah hian kang\helhna hmanrua, Fire Extinguisher chu a semchhuak a, Fire Department a\anga he hun hmanpuitu, Pu F. Lal\anpuia leh Pu K. Laleng\huama ten Fire Extinguisher hman dan hi an zirtir nghal bawk a ni. Hemi hmalam hian Serchhip District-a zirna In 82 te hnenah Fire Extinguisher hi pekchhuah a lo ni tawh a, hemi nen hian zirna In 150-ah kang\helhna hmanrua hi pekchhuah a ni tawh a ni.

Comments

Popular News (Last 30 Days)