Khawvel hmundangte rualin Serchhip-ah Global Hand Washing Day hman a ni.

Hriselna tura Kut silfai a pawimawh zia inzirtirna Ni, Global Hand Washing Day chu nimin khan khawvel pumah hman a ni a, Serchhip District-ah pawh SSA Mission Serchhip District huaihawtin he Ni hi hman a ni.

  SSA Mission Serchhip District hian Global Hand Washing Day hi Serchhip District a zirna In zawng zawngah hmang tura hriattirin Govt. Middle School, New Serchhip-ah he ni puala inkhawm hi Pu C. Lalthanzira, District Project Coordinator, SSA Mission Serchhip kaihhruaiin neih a ni a, he hun hi District Bawrhsap, Pi Juhi Mukherjee chuan khuallian nia hmanpuiin Sahbawn nen fai taka kut sil \hin chu hriselna atan a pawimawh thu a sawi a, natna chi hrang hrang kan inkaichhawn \hin leh Pum natna te hi fai taka kut kan sil \hin hian a veng thei tih sawiin, naupangte hnenah Mid-Day Meal ei hmaa fai taka kut sil tura hrilh fo leh tih \hana nei tura hrilhhriat chu an mawhphurhna \heuh a nih thu a sawi a, fai taka kut sil \hin chu hriselna atana thil pawimawh a nih thu sawiin, naupangte pawh an hrisel chuan Sports lamah leh zirna lamah te \ha takin hma an sawn deuh deuh dawn tih a sawi bawk.
    Kumin a Global Hand Washing Day-ah hian ‘I Kutah khan Thiltihtheihna a awm a ni’ tih thupui hman niin Dr. Albert Lalhminghlua, Medical Officer chuan naupangte hnenah kut silfai a pawimawh zia sawiin, eitur ei hma leh ei zawh ah te, eitur buatsaih dawnah te kut fai taka sil fo chu a pawimawh zia leh kan kut-ah te hian Mit lawnga hmuh theihloh, natna min thlen thei thil chi hrang hrang a awm \hin thu a sawi a, hemi hnu hian naupangte chu a takin fai taka Kut sil dfan a zirtir nghal bawk a ni. He Ni puala inkhawm neih zawh a nih hnu hian School Choka ah kut silfai dan tur naupang hnenah a taka entir a ni a, District Bawrhsap pawhin naupangte chu kut silfai puiin a tih dan tur te a zirtir bawk a, hemi hnu hian District Bawrhsap ho hian zirlai naupang ten chawchhun (Midday Meal) an fak ho a ni. Global Hand Washing Day hi kum 2008 a\ang khan Oct. 15-ah hian hman \hin a ni.