Polling Station hman tur enfiah hna thawk

Assembly inthlanpui lo awm tura harsatna awm lova mipui ten vote an thlak theihna turin Polling Station hman turte chu enfiah a ni.

Mizoram Assembly inthlanpui lo awm tura Serchhip Sector-1 a\anga 10 na viltu tur, Sector Magistrate, Pu Rongura, Superintendent of Excise ni bawk chuan Ningani leh Zirtawpni khan a biala Polling Station awm 10 te chu a thawhkhatna atan tlawhin inthlan huna harsatna an awm loh nan Polling Station tin chu Electronic Voting Machine dahna tur hmun a rem dan ang leh a him dan tur te, Polling Station Building, Fencing, Inthiarna, Tui leh Electrict Connection te, Mobile Network leh Telephone Landline te a \ha em tih a enfiah a, MPRO Wireless Telephone pawh a hman theih leh theih loh enfiah nghal a ni. Election Commission of India duhdan angin heng an enfiahna hrang hrang hi Video Survailance Team ten thla laain, an thlalak hi ECI ah thawn thlak a nih tur thu Pu Rongura, Sector Magistrate chuan a sawi a, Pu Rongura chuan Mizoram MLA inthlan lo awm turah dik leh felfai taka awm theih nan Election Commission of India chuan ruahmanna engemaw zat a siam a, thawktu pawh tam tak awmin Free & Fare Election buatsaih tum a nih thu a sawi a, Vote thlaktu ten awlsam taka vote an thlek theih nan Polling Station pawh \um dang aiin siam tam a ni a ti bawk. Sector Magistrate hi a tlawh Polling Sation 10 te hi Darnam P/S, Chawng-buangi Memorial M/S, Modern M/S, Lalpuithanga Hall, Vengchung P/S, JM H/S, Field Veng P/S, Hmar Veng P/S, Serchhip Kawnpui P/S, Chandmari P/S te a a ni.