Inthlanpui a Candidate te sum hman enpui dan tur sawiho

Nimin chawhnu dar 3:00 khan Serchhip District Election Officer leh Bawrhsap ni bawk Pi Juhi Mukherjee IAS hovin ama pisaah inthlan lo awm tura candidate te sum hman dan leh dan bawhchhiatna awm thei te ven dan tur ngaihtuahin Serchhipa Election Officials te leh Bank lam hotute an thukhawm.He meeting-ah hian inthlan kaihhnawiha party leh candidate-te sum hman dan te, vote inlei leh hralh  bakah inthamna lam chi awm theite ven dan tur uluk taka ngaihtuah a ni a, Election Commission of India remruatna anga candidate-te sum hman dan leh sum vawn dan tur inkaihhruaina-te bakah Election Model Code of Conduct bawhchhiatna awm thei chi hrang chrangte chipchiar takin an sawi ho a, Serchhip khaw chhunga bank awm zawng zawng an tel kim vek a ni.