MSU in Tuikuk raltlan chungchang ECI-ah thlen

Mizo Students’ Union ( MSU ) Gen. Hqrs. chuan nimin, 21.10.2013 khan Chief Election Commissioner, Election Commissions of India leh Chief Electoral Officer, Mizoram hnenah lehkha thehlutin, kum 2013 MLA General Election lo awm turah Tuikuk, Tripura Refugee Camp a awm te Mizoram pawn a Vote thlak tir lo tura ngenna a thehlut.

Hemi chungchanga MSU thuchhuah chuan Tripura Refugee Camp a awm Tuikuk te, Mizoram sorkarin vawi tam tak lo haw tura a koh lawm lawm pawha engemaw Politics a ham-\hatna beisei avanga vawiin thlenga rawn let duhlo lui te chu an awmna hmun Mizoram pawn (Tripura ) a vote an thlak MSU chuan a remti dawnlo tih tarlangin, Election Commission of India a ngenna a thlen hian awmzia a nei lo anih chuan MSU chuan Tripura a Tuikuk awm ten vote an thlak loh nan a \ul angin hma ala dawn tih an tarlang a.
    Hun hmasa lama Mizoram Legislative Assembly (MLA) General Election ah te leh Member of Parliament (MP) Election ah te Tripura Refugee Camp a Tuikuk vote tih chingpen anih dan Mizo mipuiten an hre tawh nia tarlangin, heng zawng zawng avangte leh koh lawm lawm pawh a rawn haw duh lo an nih avangin MSU chuan rampawn a Ballot Box nena zuk umzui a vote zuk thlak tir kher chu \ul an tilo tih an sawi a, Tripura Refugee Camp a Tuikuk awmte hi Mizoram chhunga rawn let a, anmahni hming awmna Polling Station ah ngei vote an thlak duh anih chuan India Danpui hnuaia zalenna an neih angin vote an thlak ngei MSU chuan a duhsak tih an sawi bawk.