Latest News

Assembly thutkhawm ah kum 2021-2022 Mizoram Budget cheng vbc. 11,148.89 pharh a ni

Finance changtu Chief Minister Zoramthanga chuan nimin-a Assembly thutkhawm ah kum 2021-2022 atana Mizoram sawrkar sum ruahman (budget estimate) cheng vbc. 11,148.89 chu House-ah a pharh a, hemi rual hian 2020-2021 chhunga sawrkar sum indaihlohna phuhrukna tur cheng vbc.2320.79 a pharh nghal bawk.

Police duty laia thi te sunna hun hmang

Nimin khan rampumah Police an duty laia boral te sunna leh hriatrengna hun, Commemoration Day hman a ni.
Mizoram-ah pawh nimin zing dar 8:00-ah Commemoration Day Parade hi neih a ni a, Aizawl-ah chuan 1st Bn. MAP Field, Armed Veng-ah DGP Mizoram Pu AK. Patnaik hova hman a ni a, Pu Vivek Kishore, IPS, DIG (Training) in ni 1.9.2012 a\anga 31.8.2013 chhunga India rama Police duty laia nunna chan mi 576 te number chhiarchhuakin urhsun taka Police Parade, Police thi te sun nan neih a ni. Hemi hnu hian Mizoram Police duty laia hmelma kut tuara thite hriatrengna “Martar Thlan” 1st Bn. MAP Hqrs. a siamah DGP leh Police Officer dang ten pangpar an dah nghal bawk. India ram state hrang hrang-ah ni 1.9.2012 a\anga 31.8.2013 chhunga thite an vaiin mi 576 an ni a, vanneihthlak takin he kum chhung hian Mizoram Police bik ah thi an awmlo a ni. October ni 21, 1959 khan Ladakh Police Post chu China sipaiten rawn lain Police 9 an rawn kaphlum a, he ni hi Police Commemoration Day atan kum tinin hman zui a ni a ni.

Comments

Chhiar Hlawhte