Latest News

Assembly thutkhawm ah kum 2021-2022 Mizoram Budget cheng vbc. 11,148.89 pharh a ni

Finance changtu Chief Minister Zoramthanga chuan nimin-a Assembly thutkhawm ah kum 2021-2022 atana Mizoram sawrkar sum ruahman (budget estimate) cheng vbc. 11,148.89 chu House-ah a pharh a, hemi rual hian 2020-2021 chhunga sawrkar sum indaihlohna phuhrukna tur cheng vbc.2320.79 a pharh nghal bawk.

ZNP in ZTP nena an thawhho loh chhan an puangchhuak.

Zoram Nationalist Party (ZNP) Sr. Vice President, Pu R. Lalawia chuan, “Kan party behchhana Regional Party thar din an tum hi \ha kan tih loh vangin ZTD nen kan thawkho leh dawn lo a ni,” a ti.
He thu hi nimin a an party Office-a inkhawm neih ah sawiin Pu R. Lalawia chuan ZTD leh ZNP inkara thutlukna puangchhuakin ZTD te nen an thawkho leh dawnlo tih a sawi a, “Kan thawhho loh chhan chu kan Party vote behchhan a Regional Party thar din an tum vang a ni a, ZNP chuan Regional Party din \euh hi \ha kan ti lo,” a ti a, “ZTD nen kan thawhho theih loh chhan dang pakhat chu- ZTD te chuan sorkar hnathawk hlawh tihhniam an tum a, keini erawh chuan 7th Pay hmanga chinfel kan tum a, chuvangin kan inmil thei lo a ni,” a ti bawk. Hei bakah hian Pu R. Lalawia chuan Sinlung Hills Development Council chungchang sawiin, “Congress leh MNF sorkar te khan hei leh chen hi an bum a, anmahni party support-tu apiang hruaitu ah an ruat a, hmasawnna tak tak hmuh tur awm si lovin rundalah an kalpui mai mai a ni. ZNP a sorkar chuan Mizoram District hrang hrang hi Autonomous District Council (ADC)-ah kan dah let leh vek dawn a, Hmar tamna ADC ah chuan Hmar MDC pawh an tam ang a, chutiang bawkin Zomi tamna ah chuan Zomi MDC an tam anga, Bru te pawhin an tamna bialah chuan MDC an nei ve zel dawn a ni. Hei hian hnam bil inlak hranna lam a kawk lo va, Tribal kan nihna hum him zelna tur zawk a ni.” a ti bawk.

Comments

Chhiar Hlawhte