ZNP in Party pahnih inbeihna \halo an tih thu an sawi.

ZNP chuan tunlaia Congress leh MNF party-te inbeih dan chu party politics phuba inlâk tawnnaa an ngaihthu sawiin, \ha lo an tih thu an tarlang a, "Thu dik leh dâwt thliar hran hleih theih loha party politics phuba inlâktawnna hi mipuite’n kan kham tawh hlein a lang," an ti.

Hemi chungchanga ZNP thuchhuah chuan, MNF sorkar laiin Health Minister, R Tlanghmingthanga chu a pisa kal tur dan a lo nih tawh thu sawiin, tunah pawh Health Minister Lalrinliana Sailo chu báng tura phût a nih bakah, a pisa kal tur dan thlenga hmalak tum an tum niin an sawi a, "Hetiang tih ngaia MNF leh Congress an awm \hin avang hian Mizo hnam hmêl a bâl a. Eiruk thubuai an insiamsak tawn a, Election Manifesto-ah pawisa sem an insawi tam siak a, mipui min lilám a, Zoram mipuite hi min hmusit hle a ni," an ti. Damdawi \halo hmanga sumdawnna chungchang chu na taka an dem thu sawiin, ZNP chuan, a zung chawpa phawia phoro ngam inti sorkar chêt a hun hlea an ngaih thu leh sorkar chêt hun an ngaihchan thu an sawi bawk.