Vawiin a\angin Serchhip-ah PIC nei dawn

Sorkar laipui in thingtlang mipuite hmasawnna tura ruahmanna chi hrang hrang a siam mipuite hnena in hrilhhriatna hun, Bharat Nirman Public Information Campaign (PIC) chu Mizorama a \um 25-na atan Vawiin a\ang hian Serchhip-ah neih a ni dawn.

Tun \uma Serchhip District-a PIC neih tur hi Mizoram-a a \um 25-na leh Ser-chhip District bikah a \um 3-na tur a ni dawn a, Vawiin hian New Serchhip YMA Hall-ah he Campaign hawnna hi neiin Lt.Col(Retd) ZS. Zuala, Parliamentary Secretary, Excise & Narcotics,E&F chu khuallian niin District Bawrhsap, Pi Juhi Mukherjee, IAS chu khual zahawm a ni anga, chawhnu lamah Technical Session hmangin sorkar laipui Programme chi hrang hrang inhrilhfiahna hun hman zui a ni dawn a ni. Naktuk leh naktip-ah te pawh a hmun ngaiah PIC hi neih leh a ni dawn a, naktuk khian Serchhip Joint VC Chairman, Pu Lalramliana Sailo chu khuallian niin naktip ah Education Minister, Pu Lalsawta chu khuallian a ni bawk ang. New Serchhip YMA Hall-a nithum chhung Campaign neih mek lai hian DFP leh NRHM te chu New Serchhip (11.9.2013), Khawlailung (12.9.2013) leh Kei\um (13.9.2013)-ah te Free Health Camp buatsaih tur leh Awareness campaign nei tura beisei an ni bawk. Hetihlai hian Bharat Nirman Public Information Campaign \um 26-na tur pawh  September thla chhung tho hian Lawngtlai District ah neih tum mek a ni bawk. Serchhip-a Bharat Nirman Public Information Campaign denchhen hian New Serchhip-a Elite Middle School-ah damlo a thlawna inentirna neih a ni dawn a, CV Residential H/S naupang ten zingkar ah kawng an zawh bawk ang.